Wp/bbc/Kongres Kebudayaan Batak Toba

From Wikimedia Incubator
< Wp‎ | bbc
Wp > bbc > Kongres Kebudayaan Batak Toba

Mauliate ma tadok tu sude halak Batak naung simpul patupahon Kongres Kebudayaan Batak Toba na parjolo. Ia Kongres Kebudayaan Batak Toba dipatupa ma i Tanggal 20-22 Oktober 2022 di Museum TB Silalahi Balige.

Alai andorang so dipatupa kongres na di Balige i, nunga dipatupa parjolo prakongres di IAKN Silangkitang Tarutung na manaringoti taringot tu panggurit ni Surat Batak i. Na gabe bolahan amak disi i ma Kampus IAKN Silangkitang Tarutung.

Dung i nunga dipatupa muse prakongres di Balairung Soesilo Sudarman Gedung Kementerian Pariwisata dan Ekonomi Kreatif Jakarta i ma na manaringoti tarigot tu Tata Bahasa Batak Toba. Na gabe bolahan amak disi i ma Batak Center na adong di Jakarta.

Angka naung dihatai di nadua prakongres i, dipahot ma i muse jala diondolhon di tingki kongres na di Balige. Na gabe bolahan amak disi ima angka parhobas ni kongres kebudayaan Batak Toba na parjolo, i ma sian USU jurusan Sastra Batak, na niuluhon ni Professor Robert Sibarani.

Sude angka naung dihatai na di prakongres dohot kongres i, naeng bahenonna ma i jala gurithononna di sada pustaha, asa adong gabe sulu-sulu manang ojahan songon dia do panggurit ni surat Batak Toba i. Jala songon dia do siulahonon ni ganup halak Batak asa boi hata Batak i hot dihatahon angka halak Batak, saleleng adong dope halak Batak di portibio on.

Angka parhobas ni kongres i nunga marjanji ingkon sae ma i gurithononna di bagasan sataon dung sae kongres. Lapatanna, Tanggal 23 Oktober 2023 na laho ro, nunga ingkon simpul pustaha i, jala boi jahaon ni angka halak Batak.

Dang holan surat Batak dohot hata Batak na dihatai di kongres i. Alai adong do sangkap ni angka panghobasi ni kongres i, na naeng patupahon film dokumenter taringot tu angka ugari ni halak Batak na adong di tano sileban, di sude liat portibi on. Anggiat ma boi dipatupa i sude hombar tu naung sinangkapan ni sude na gabe parsidohot di ulaon bolon kongres i.

Mauliate ma tadok tu Tuhan, ala naung simpul ulaon i di bagasan las ni roha dohot dame ni roha. Horas ma di hita saluhutna.