Wp/bbc/Dulaman

From Wikimedia Incubator
< Wp‎ | bbcWp > bbc > Dulaman
Gombar ni Dúlamán.
Ia do targombar di lirik loguna i ma "Tá ceann buí óir ar an dúlaman", lapatanna "Dúlamán na marnampunahon ulu hunik omas".

Dúlamán (Hata Irlandia ni Pelvetia canaliculata, sada ragam ni limut) i ma sada logu tradisional ni Halak Irlandia.
Na tarhubung do lirik logu Dúlamán dohot paraktek ni halak Irlandia di papunguhon limut, diulahon tu tujuan na marragam, tarmasuk pe napu, paridion jala sipanganon.[1]
Godang do persi tradisional dohot kontemporer di melodi logu nian. Persi na umboto (tarsundut sian musik tortor ni Skotlandia mamangke nada Strathspey, Cutting Ferns) i ma sian Clannad, direkam di taon 1976 di bagasan album Dúlamán. Di taon 1993, melodi na lobi nanget direkam Altan di bagasan album Island Angel. Musik kontemporer ni logu Dúlamán diaransmen sada komponis Michael McGlynn, aransmen nian gabe logu na diendehon koor di bagasan gim Endless Ocean: Blue World (Advantures of the Deep in Europe)
Judul logu nian dipangke di taon 2016 gabe goar ni konser musik dohot tortor ni Irlandia i ma Dúlamán - Voice of the Celts.[2]

Lirik logu[edit | edit source]

On ma refrain ni logu Dúlamán i ma:[3]

Dúlamán na binne buí, dúlamán Gaelach
Dúlamán na farraige, ‘s é b’fhearr a bhí in Éirinn

Lapatanna i ma:

Limut sian tolping na hunik, limut sian Irlandia
Limut sian samudora, limut na dumenggan di Irlandia

Rekaman na tinanda[edit | edit source]

On ma pigapiga persi rekaman ni logu Dúlamán na naung direkam.

Pustaha[edit | edit source]

  1. Doreen McBride, When Hunger Stalked the North (1994).
  2. Situs resmi ni opera Dúlamán - Voice of the Celts (Di hata Inggeris)
  3. "David Wood" Dúlamán dibungka di ari 19 Maret 2021
  4. Ian D. Biddle, Vanessa Knights. (2007) Music, National Identity and the Politics of Location : Between the Global and the Local. London: Routledge. alaman 35. ISBN 9781138253483

Pangenetan[edit | edit source]