Wp/avk/Zeus is Tetis (trutca ke Ingres)

From Wikimedia Incubator
< Wp‎ | avkWp > avk > Zeus is Tetis (trutca ke Ingres)
Jump to navigation Jump to search
Zeus is Tetis ~ Jupiter et Thétis (FR)


Zeus is Tetis ( francavon Jupiter et Thétis  ) tir trutcapa tollumafa gu 327 × 260 cm-, i puntalingeks keve stama skuyun gan Jean-Auguste-Dominique Ingres francaf lingesik bak 1811. Koe Granet tcilaxe ke Aix-en-Provence re tigir.

Watsa[edit]

Zixa tir male Iliada. Tetis lavasersikya, i gadikya ke Axilleus va Zeus dilder enide in va koboda wal inafe nazbeye is Agamemnon di tciner.

Buneks[edit]

Ingres va tanaef dank ke Illiada malsaver : « ...azen, divlanison va skael ke bira, rem glupaf mid kal Olimpos ticlanir lize va Tel Wis va Kotcoba trasiyir, i an lorik debanyes sume arak ke lorikeem, moe an ontinuk ke Olimpos. Inya kabdu in debanyar, va inaf badeeem kan taltenuba dablur ise va itowa kan ronenuba uzar, aze, voseson... »

Tetis va skael divlanir, inaf meem tir abrotcarsaf, va Zeus dilder.

Vuestera va Delt ke Napoléon tir denafa.

Drunara va grabom[edit]

Bat grabom vas trutcapa tir ke warzapulukevafa rekola ke lingesik, ladimkazawas va karuca ke krent ke Savsugal, voxen kobavera va detce tir lefa gu mil krent. Lorik wetce ana rictula zo kaatoer, takumason ok woltsoason rozobes va lazava ( i va tela ke Axilleus ) ok parmon rokerektas.

Soe, pof gu intaf pilkovoyeem, mil lorik drayder neke nutir titicken, ton ma moe rujod is disukenon gan rubaf kiiz. Vabdueon talteon, Era dizver ise va dulzera ke Zeus pu erudara ke Tetis rubar.

Dere rupec[edit]

Stragela[edit]

  • Giorgio Cricco, Francesco Di Teodoro, Il Cricco Di Teodoro, Itinerario nell’arte, Dal Barocco al Postimpressionismo, Versione gialla, Bologna, Zanichelli, 2012.
  • Robert Rosenblum, Ingres, Edition Cercle d'art, 1986, p. 36.

Zeus is Tetis

Jupiter et Thétis

Zeus is Tetis

 Yambik Jean-Auguste-Dominique Ingres
 Evla 1811
 Ord Vundopafa nakila
 Lingerinda Puntalingeks keve stama
 Lum 327 × 260 cm-
 Tigixo Granet tcilaxe, Aix-en-Provence


Trutceem ke Ingres
Izvaf ok vundopaf lingeks

Napoléon moe gindaf uskejPaolo is FrancescaRaffaello is FornarinaZeus is Tetis

Delt

Caroline Murat gazikyaAmédée-David Pastoret biptikyeAugustine-Modeste-Hortense ReisetAyikye dem oblakakBelvèze-FoulonBetty RothschildBonald gertikBonaparteBroglie sersikyaCaroline RivièreDuvaucey W-yaFrançois-Marius GranetGonin WeltocyaHaussonville biptikyaJacques Marquet de Montbreton de NorvinsJacques-Louis LeblancJoseph Ingres, gadikye ke yambikNikolay Guryev biptikyePierre-François BernierTournon biptikyaZélie listya

Lebaca

Koblira ke VenusKolavasikya ke ValpinçonKolavasikya mialonTurkafe kolavaxe

Alkaf lingeks Turkafe kolavaxe
Mivdelt Turkafe kolavaxe
Crystal Project colors.png  Tuveli icde Lingeropa  Crystal Project colors.png