Wp/avk/Yozda ke Sarajevo (yunkeks)

From Wikimedia Incubator
< Wp‎ | avkWp > avk > Yozda ke Sarajevo (yunkeks)
Jump to navigation Jump to search
Yozda ke Sarajevo ~ L'étincelle de Sarajevo (FR)


Tuksuest tixolon kimbar, to kimon ice Roneka is Talteka Listafe Sare tenuwer, koe Sarajevo kelu ke Bosna savson turkiafa az tunotrayana bak 1908 gan osteramagyarafo gindaxo. Franz-Ferdinand konolesik va uskej gan yambudafa aora bal winugafa worara ba 28/06/1914 zo emuder : serbiik ke Bosna va gazaxomo ke Serbia djukudenfid, i va gazaxo torigino gu ogluk ke direfa soka rotugaldasa va geef slavikeem ( okon Jugoslavia ).

Djukuworayason va bakanik ke taneafa bilmara, Franz-Ferdinand va jotafo Gavrilo Princip gamdar. Kan toloya viltara ganon zo aytar, is dere dacikya.

Adjubesik tir slavaf cosevik. Kas tir olk ke Ebeltafa Nuba birgotaf grustaks tikin gan serbiafa levcenkasa zanela ? Wien va Serbia wivayer, i va Serbia soye vewasa va walpira ke osteraf ardialik mo dilintafo tawavo. Geja koe Balkan gola zo dakter numen arti abic viel nope kogluyas bolkeem va tadavaf lum di narir.

« Wideyik, resielon pu win djukalí da mevielu al tit, mevielu mali balemsanda koe lodratcesa is lofolvafa debala al tit.

« Rotir darevielon tit viele Ostera va serbiikeem fu moebidur numen larde Ostera is Germana va Serbia is Rossia di moebidud, pune Europa fu teyeper, tamava fu teyer.

« Kote sane mo kelda ke Europa gison va tilerdama koe nuba awir numen re fird ve sokir, ~ Jaurès diviegar. » Warzafa adjubera ba 31/07/1914 va pudapa ke dili stivar. Direvielon rostaza ke geja mo tamava baliewer, i rostaza kaatoetena gan Yunkena Loplekuaca ke 20/09/1914 gu germanafa uulatsa is osteramagyarafa magda wetce takaxa.

« Moe sid dem tcastaf rawaks nekiyin ba inafa remlanira, vanmiae forteyafa ora ke intaf kosikeem, rostaza abdulaniyir, molesafa, van warzafa stakera isu kovilara vulteyer. Voxen sayakik ke seltay lent in al ranyapad. Franca is Rossia is Britana is Belga is Serbia va sintafo po gu abdulanira ke osteragermanafa rostaza al kevud. »


« Va xonuka ko rostaza !! »
Franca is vangluyanikeem va rostaza ke geja dem germanafa uulatsa is osteramagyarafa magda wetce takaxa kevliked. ( n° 1239 ke 29/09/1914 )
Yozda ke Sarajevo

L'étincelle de Sarajevo (FR)

Yozda ke Sarajevo

 Yunkesik ?
 Ord yunkeks
 Fela Le Petit Journal
 Sanegara 12/07/1914


Crystal Project colors.png  Tuveli icde Lingeropa  Crystal Project colors.png
P Parthenon 2.svg  Tuveli icde Izvopa  P Parthenon 2.svg