Wp/avk/Yevgenya Subbotina

From Wikimedia Incubator
< Wp‎ | avkWp > avk > Yevgenya Subbotina
Jump to navigation Jump to search
Yevgenya Subbotina
1853->1930
Rossiaf artowasik

Yevgenya Dmitrievna Subbotina yer-kirafa gu Kozlovskaya ( rossiavon Евгения Дмитриевна Субботина, Козловская ) tiyir rossiaf artowasik. Koe Izmalkovo widama ke Oryol bowexo koe savsafo rossiafo gindaxo bak 1853 kobliyir.Kaiki 1930 koe ape Moskva co awalkeyer.

Blirizva

Vey oluafa yasa, Yevgenya tiyir nazbeikya ke Dmitri Subbotin pilkotik is Sofia Iovskaya. Radimi oldafa vayara koe Moskva, bak 1872 ko Swiza do Maria berya is Anna Toporkova nikya mallapir lize sina va selaropafa kotla ke Zürich denfid. Va Fritsch rijay dem jotaf rossiaf vayasik kalion paker. Va Pyotr Lavrov seltevaf suterotik rungruper aze vanpir dokobasik va Vpered virda. Kadimi kopoura va nobara va kotla ke Zürich gan rossiafe bowere, va Paris koe Franca koirubar.

Yevgenya Subbotina bak anyusteaksat ke 1874 ko Rossia dimlapir ise va pilkot ke gadikeem koe Belomestnoye koe Kursk winka koirubar. Teni mil ilanacek koe Moskva soker ise va Seltevaf Artowas Kotrossiaf grustaks yoter. Ba 13/08/1875 dene oga ke Antimoz Gamkrelidze so soper. Ko dagixo ke Sankt Peterburg zo arburer. Kojizayana gu Jiz va 193, soe zo vanbulur. Neke bal Jiz va 50 azon zo kojizar. Ba 14/03/1877 nope yotera va kumsetus grustaks gu divblira vas santevda koe Sibira zo lanzar.

Ko Tunka wida ke Irkustsk winka zo rezgaler. Bak taneaksat ke 1879 layater voxe zo vebidur nume ko Verxolensk dere koe mila winka di zo arburer.

Bak 1881 ko Irkutsk zo arburer. Banlize do Varvara Aleksandrova va yatera div lizukaf flint ke Ekaterina Brecko-Breckovskaya is Elizaveta Kovalskaya is Sofia Bogomolets erbon pomar ise grustar. Nume ko Verxolensk zo dimstakser.

Banlize ba 01/06/1884 va Vladislav Kozlovski divbliyin dositik yerumar. Bak 1885 sin ko Tomsk zo arbured aze kali bak bareaksat ke 1889 di zavzagid. Banvielu ko Warszawa enintenon ronodimpid. Tunyobrawer aze koe Oryol ware enintenon ronosoker.

Radimi titfira ke gindaxo, tir ke Seltom dem savsaf daginik is gaderopikaf divblinik. Inafa conyuta kaiki 1930 koe Moskva zo drasur.

Yasa

Vuestexa

  • (ru) Е. Субботина. На революционном пути. М., 1928.
  • (ru) Е. Козловская-Субботина, Каторга и ссылка, 1929

Yevgenya Subbotina

Yevgenya Subbotina

 Koblira  1853,
 Izmalkovo, Oryol winka, Rossia
 Awalkera  > 1930,
 ape Moskva, Rossia
 Vedeyot  Rossia
 Tegira  Galbedus artowasik
  Bifa 
  • Seltevaf Artowas Kotrossiaf grustaks
P Parthenon 2.svg  Tuveli icde Izvopa  P Parthenon 2.svg
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc