Wp/avk/Yerofey Xabarov

From Wikimedia Incubator
< Wp‎ | avkWp > avk > Yerofey Xabarov
Jump to navigation Jump to search
Cugexa va Xabarov koe Xabarovsk

Yerofey Pavlovitc Xabarov Sviatitski ( rossiavon Ерофей Павлович Хабаров Святицкий ) kobliyis bak 1603 az awalkeyes bak 1671 koe Bratsk gola, tiyir rossiaf tawadayik vey gola ke Veliki Ustyug, ise va Lena bost isu Amur koe Sibira vestayar.

Bak 1625 Xabarov mal Tobolsk kal Mangazeya totayar. Radimi barda, va widava do brinuga buluyur aze va Xeta kuksa ( taneafa gama ke Xatanga bost ) artlapiyir. Bak 1630 Xabarov va koyara mal Mangazeya kal Tobolsk pakeyer. Bak 1632-1641 va Lena bost kallapiyir aze va miduso exonexo dem eipxo kene bost is kokuksaxo ke Kirenga kuksa isu Kuta zabduyur.

Bak 1649-1650 Xabarov va Olyokma kuksa remlapiyir aze va Amur bost artlapiyir. Bak 1651-1653, va Amur bost mal kokuksaxo do Urka kuksa kal artexo ke Usuri kuksa vatitlapiyir. Xabarov va Amur bostaxo liwotayar. Va Daur jiomaik ke gola ceneyer aze va rossiafa widava Albazino debakon ice inafu kelu zabduyur.


Xabarovsk widava is tana golda ke Transsibirskaya Magistral kelot nope in zo yoltayad.

General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiaf vestasik va Sibira
Fedot AlekseyevVladimir ArsenyevVladimir AtlasovPyotr BeketovVitus BeringSemyon DejnyovKurbat IvanovDmitri LaptevXariton LaptevIvan MoskvitinMaksim PerfilyevVasili PoyarkovVasili ProntcictcevDemid PyandaMixail StaduxinOnufri StepanovSemyon TcelyuskinAleksey TcirikovMerkuri VaginYerofey XabarovYermak Timofeyevitc