Wp/avk/Yana (kuksa)

From Wikimedia Incubator
< Wp‎ | avkWp > avk > Yana (kuksa)
Jump to navigation Jump to search
Yana
bost
Yana river.png
KIRA
Abrotce 1 490 km-
Kuksaxo   238 000 km²
Bost Yana
Celack Ubileyneya - 1 021 m³/v-
SALT
Klita Verxoyanski rodega
Artexo Laptev Bira
Kovoapa   Dulgalax, Aditca, Bitantay, Abirabit, Oldjo
TAWAVO
Patecta Rossia

Yana ( rossiavon Яна is yakutavon Дьааҥы ) tir bost ke ronefa Sibira koe Rossia. Va Saxa Sokasane koenir ise va Laptev Bira ke Arktika Welfa konir. Wale talteon Lena is roneon Indigirka tigir.

Tawavopa[edit]

Bostack tir vey roneon Sartang kuksa geunisa is talteon Dulgalax kuksa getaltunisa.

Abrotce ke bostack tir vas 872 km-, voxe dem Sartang tir vas 1 490 km-. Bostxo tir vas 238 000 km².

Yana bost va Yana pargalu ke Laptev Bira konir, ton glupafa riska vas 10 200 km².

Va mon 40 000 uzda koe bostxo ropatat, don yona meftafa uzda koe Verxoyanski rodega is data koe wedafa azeka ke valentexo. Sid ke bostxo riwe varon tir tapsid, dem klupafa aalinda koe vagexo adre kadasa ruga kaik 70-eafa laksiwakafa vakenoda.

Widava kene bost[edit]

Yana bost va Verxoyansk widavama isu Batagay isu Nijneyansk isu Ust-Kuyga kenenir.

Lidawicka[edit]

Bostxo ke Yana gu fentaf nael ke Rossia zo torigir kiren fentodafa wegona zo koverteyed ( cugon -70 °C ).

Lavopa[edit]

Tandeaf celack ke bost tir mon 32,18 km³ isen lok remi alubeaksat is teveaksat nir radimi bica. Yana bost bak saneaksat welmon sotapar aze leve opra kali alubeaksat ok teveaksat zavzar. Koe Verxoyansk gola, Yana varon remi 70 ik 100 viel tandeon wan gitapar, is pakon bak 220 viel.

AKSATEAF CELACK ( m³/v- )
Lavopafa recela : Ubileynaya
(  )

Izva[edit]

Gola ke Yana bost zo torigir da tiyir tel taneaf irubaraf debak ke Arktikaxo. Koinga ke ayafa kerelera evlon gu 30 000 tanda ( 12 000 abdi tel bocaf oprafirday ) zo trasiyid.

Dere rupel[edit]

Vexala dem voapa ke Rossia

LocationRussia.png
Bost ke Rossia
AlazeyaAmurAnabarAnadirDniproDonIndigirkaKamtcatkaKolimaKubanLenaMezenNadimNarvaNevaNyemenObOlenyokOnegaOxotaPenjinaPetcoraPurPyasinaSevernaya DvinaTaymirTazTerekUdaUralVolgaXatangaYana Yenisey