Wp/avk/Vladimir Atlasov

From Wikimedia Incubator
< Wp‎ | avkWp > avk > Vladimir Atlasov
Jump to navigation Jump to search
Vladimir Atlasov

Vladimir Vasilievitc Atlasov ( rossiavon Владимир Васильевич Атласов ) bak 1661 koe Veliki Ustyug kobliyir aze bak 1711 awalkeyer. Tiyir kazakik ke Sibira inkeyes va taneafo rossiafo elupkafo boniaxo moe Kamtcatka dega. Atlasov tculk is Atlasov letafa tculkewala arte geeon Kamtcatka gu in zo yoltayad.

Tanizva[edit]

Remi 1697 ik 1699, Atlasov va brinuga dem 65 kazakik is 60 Yukagir saneik ta vestara va dega gadeyer. Lakison kan bedakolaf impadimot, sin va artexo ke Penjina bost artlakiyid. Azon va Sredinni rodega remlakiyid aze va Itelmen saneik kakevlakiyid. Do Koryak mikra, kakevera tir plabafa numen 150 patectolik zo stakeyed. Radimion, uzera do Ainu sane dere tir savekafa numen warzafa stakera zo raplekuyur. Taneaf folkam ( ostrog ) koe Verxnekamtcatsk zo vegeduyur. Az ar kene Kamtcatka bost. Bat folk di vanpiyid moortexo va myot.

Tozi 1701, Atlasov ko Moskva dimlapiyir lize wetce fayik ta vestara va Kamtcatka di zo abduaskiyir. Tiyir taneik atoes va pintas munesteks va plekrob ke gola is irubasikeem, is dere ewaleem poke Kamtcatka isu sidayeem is Tcuktci dega is Nipona.

Vladimir Atlasov larujason va exura ke boniaxo ke Kamtcatka va rictula ke Moskva bak 1711 zo aytayar.

General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiaf vestasik va Sibira
Fedot AlekseyevVladimir ArsenyevVladimir AtlasovPyotr BeketovVitus BeringSemyon DejnyovKurbat IvanovDmitri LaptevXariton LaptevIvan MoskvitinMaksim PerfilyevVasili PoyarkovVasili ProntcictcevDemid PyandaMixail StaduxinOnufri StepanovSemyon TcelyuskinAleksey TcirikovMerkuri VaginYerofey XabarovYermak Timofeyevitc