Wp/avk/Tuveli:Sulemopa/Abdumimaks

From Wikimedia Incubator
< Wp‎ | avk‎ | Tuveli:SulemopaWp > avk > Tuveli:Sulemopa > Abdumimaks
Jump to navigation Jump to search
 
 
 
 

Tuveli icde lingeropa

Dalaf mukot ke bat abdumimaks tir tuzeitara va vonera va teliz icde sulem is sulemopa is tukiewara va bati tuveli. Prilaxo krulder enide va gonaskina vodjura roprilat. Vexeem is pirdeem tid vas bazesa voda ise do webesik is webera gotowad.

Kot pakesik va bat abdumimaks num tuveli va int robender. Va kottan grewav.

  1. Zveri ke Abitibi (talk)
  2. Axel xadolik (talk)
  3. x

Moukol abdumimaks

Moukol abdumimaks vas redura koe kotavafa xadola va icle tanoy iyelt isu teliz ke kota katca ke moukoleem re kruldes moe Tawava niter. Mon 13500 yasa ik oxi ik katca ik apta wetce pulolk ke bat moukolaf veemap batugale zo kagruped.

Mali sanegara va winugaf ravlemak dem moukolaf katceem (banliz) bak balemeaksat ke 2019, va kotraf vuestes ravlemak ta jupekaracka va bat adumimaks batvielu dadit.

Tuke malsavera va preksayafa teza, kot iyelt nuston kan dof remay zo rotatoeter, tudrikason va koxadolara is koaneyara.

Bat Moukol abdumimaks va undereem is varafa kobavera ixam askiyina mu Zveri abbdumimaks dere altogir.

Kottan va bat bitonaf is poaf abdumimaks roweber, ware konviele danedison va bliuca ke kotavusikeem lasuvones va dugakiraf cek is lakoderaykas va mantaf gruperarob. Me klabuc da va int di bendec ise di pakec !!