Wp/avk/Tom Wolfe

From Wikimedia Incubator
< Wp‎ | avkWp > avk > Tom Wolfe
Jump to navigation Jump to search
Tom Wolfe
1931-2018
Englavaf amerikaf suterotik

Tom Wolfe, i ayik kotvieli dem batakaf aboz, koe Virginia vagee Amerikatanarasokeem al atrir. Moi Yale kotla bak 1956, va feleba koe New York toz klepar. Remi 60-e sanda, do Norman Mailer is Truman Capote is Hunter Thompson, vanpir tan redusik va amerikafa Warzafa Felura. Inyona felabrera isu teliz va koedjafa malyopara va yona amidafa kerdela ke amerikaf selt atoed.

Inaf taneaf berpot, i Teyara va giopaceem ( Bonfire of vanities, 1987 ), tir kiewatcapa dene tamava.

Erbaparloesik ke Wall Street omeltroti, djores is poles, tid xala ke bat pizaf is klecas berpot. Voxen Tom Wolfe va seltbekseem ke New York is Tanarasokeem tici 20-eafa decemda dere pulvir : uum icde zaaveva aflanon zo ruer isen tikira ke felisik va felinik rukuzon zo drunar. Kotcoba tozuwer viele erbaparloesikye do fertikya va divafa joya ke vawuda bulfer nume ko copafa is iyelafa revava xeyer.

Toleaf berpot, i Ayikye en ( A Man in Full, 1998 ) va levefa zaavafa spua koe Atlanta widava vagee Tanarasokeem mallinger.

Bareaf berpot, Jin Charlotte Simmons ( I Am Charlotte Simmons, 2004 ) va geltrevafa ewava va blira koe amerikafa kotlapa nedir.

Balemeaf berpot Dim fortey ( Back to Blood, 2103 ) va esafa skeda wal dodeem ke Miami drunar.

Tom Wolfe

Tom Wolfe

 Blira 1931-
 Ava Englava
 Suterind Berpot
  Suterot 
  • The Right Stuff (1979) - Aboz ke gradilik
  • The Bonfire of the Vanities (1987) - Teyara va giopaceem
  • A Man in Full (1998) - Ayikye en
  • I Am Charlotte Simmons (2004) - Jin Charlotte Simmons
  • Back to Blood (2013) - Dim fortey
Bookshelf icon (red and blue).svg  Tuveli icde Suteroteem  Bookshelf icon (red and blue).svg