Wp/avk/Théo Van Rysselberghe

From Wikimedia Incubator
< Wp‎ | avkWp > avk > Théo Van Rysselberghe
Jump to navigation Jump to search
Théo Van Rysselberghe
1862-1926
Belgaf lingesik

Théo Van Rysselberghe ( Théophile Van Rysselberghe ) tir belgaf lingesik isu gretcasik isu zikesik.

Blirizva[edit]

Théo Van Rysselberhe dene Yambaf Cultim ke Gent vayar az koe Bruxelles lize tir tavembik ke Portaëls is Léon Herbo. Bak 1884 tuke filav koe Espana az Magriba koyar lize va aftafa lingeropa is blif ukeem kosmar solve inaf taneaf grabom tiyid loon orikaf is cultimaf. Dim Belga, lingesik va redura az tegira ke XX Lospa paker. Va Toulouse-Lautrec is Gauguin is Degas nobar.

Mali 1881, Van Rysselberghe va Art Moderne virda piskur. Mali 1890 dene Bontay ke Yon Volruptes Lingesik divnedir, aze do Georges Seurat is Camille Pissarro tunawer. Dere tir nik ke Paul Signac is va milyona arotievafa rieta pakar. Va redura va Les Temps Nouveaux arotievafa fela paker. Bak 1898 va Paris koirubar ise va lecevaf lingesik ginobar. Va logrupena trutca bam linger, i va Belira gan Verhaeren.

Va zolonaf lingen grabomeem isker, dem lebaca is delt is patectoy, is dere jontik zovdaks isu gretcaks.

Trutca[edit]

Stragela[edit]

  • (fr) R. Feltkamp, Théo van Rysselberghe, Catalogue raisonné, Ed. Racine, Bruxelles, 2003
  • (fr) R. Feltkamp, Théo van Rysselberghe, Monographie, Ed. Racine, Bruxelles 2003

Théo Van Rysselberghe

Théo Van Rysselberghe

 Koblira 23/11/1862, Gent, Belga
 Awalkera 13/12/1926, Le Lavandou, Franca
 Vedey Belga
 Eba Lingeropa
 Serna Direliteva, Vrafueva
  Grabom 
Crystal Project colors.png  Tuveli icde Lingeropa  Crystal Project colors.png
Rb-star.svg  Tuveli icde Arotieva  Rb-star.svg