Wp/avk/Taymir (dega)

From Wikimedia Incubator
< Wp‎ | avkWp > avk > Taymir (dega)
Jump to navigation Jump to search
Debala ke Taymir dega
Rugaf patectoy ke Taymir dega

Taymir dega ( rossiavon Таймы́рский полуо́стров ) tir rossiafa dega valente istefa Sibira, tazukasa va lolentefi ki ke Asia tadava. Inafa taltefa kima tir Yenisey pargalu ke Kara bira isen tela ronefa tir Xatanga pargalu ke Laptev bira.

Ana lentefa uta ke Asia tir Tcelyuskin evilma tigisa arte dega.

Ristulon, va Krasnoyarsk winka rupter. Dega lokon tir dem Nganasan sane isu Dolgan is lonoelton Rossiik.

Tawavopa[edit]

Taymir dega tir dem jontika uzda : Taymir uzda isu Labaz isu Portnyagino isu Kungasalax isu Arilakax isu Kokora isu Baykuraturku isu Baldaturku isu Xargi. Taymir bost tir nelkafa voa ke dega.

Skapa[edit]

Nganasan sane isu Dolgan jontikedje prostewon tid sane vartese va bedakol.

Rumel koe gola zo divkawodar aze kan impadimak kal Dudinka molt kene Yenisey bost az kan tota ko Murmansk molt zo remburer.

Sulemeem is ruxeem[edit]

Valente Sibira, sulemeem is ruxeem va toloy aksat ta nazbalkera tandeon anton dadid. Bak kot idulugal, bedakol gilamad nume va konak decitoy batakarupol isu spedol sekad. Silukon, zveri ke Afrika is Asia kal Taymir dega arttalad enide di nazbalked ise va telo logijafo govitafo zveriiocxo ke tamava tazukad.

Bedakol, erbilokaf sulem ke Taymir, Rangifer tarandus
Batakarupol, ugalon jontik kene krimta ke Taymir dega