Wp/avk/Tanzania

From Wikimedia Incubator
< Wp‎ | avkWp > avk > Tanzania
Jump to navigation Jump to search

Tanzania tir patecta ke Ronefa Afrika.

Noelafa Tanzania nope katanara ke Tanganyika is Zanzibara ba 26 balemeaksat ke 1964 nazbalayar, moi volruptera ke bato toloyo boniaxo gu Tanaragazaxo. Tir bewafa gu Commonwealth grustaks azu Tanaravedeyeem mali tena ke 1961.


 
 
Nuvola apps korganizer.svg
Ristusa grustara
Goleem ke Tanzania

Goleem[edit]

Tanzania tir dem bar-sanoya gola.

Loon rupé →


Risturafa watsa :  Gaderopafa vertuma ke TanzaniaGoleem ke Tanzania


 
 
Gnome-globe.svg
Tawavopa
Kilimanjaro mefta, ane ontine ke Tanzania is Afrika
Laeliwot va Tanzania

Pozlakelor is savsafa azekexa is tculktraspuxa[edit]

Tanzaniaxo va taltef kelor ke Rift Valley koe Ronefa Afrika ( kerelenaf gu Tanganyika uzda isu Rukwa isu Malawi ) is India welfa walenir. Va pakavapa ke ontinafa azekexa ke Uzdapaxo kale darefo taltefo selorxo, is va titefo krimtaxo wale Usambara mefteem is bostartexo ke Ruvuma baton ruldar. Kene bato krimtaxo konaka pokefa ewala tigid, telyona logijafa tisa Pemba is Zanzibar is Mafia.

Loon rupé →


Tawavopafa watsa :  Mefta ke TanzaniaVoa ke TanzaniaUzda ke TanzaniaEwala ke Tanzania


 
 
History.svg
Izva
Julius Nyerere, taneaf taneagadesik va Tanzania
Maji-Maji tcumivera ke 1905

Arabafa turestara[edit]

Tela taneafa izvafa vuestexa va krimteem ke Ronefa Afrika is noelafa tadavafa Tanzania is Pemba ewala isu Zanzibar tid koe « Anamekoyara va Ertra bira » suteks sutelayan gan dolekik ke Aliskanderia moni II-eafa decemda. Tir totarafa is kazafa nyaperaneva icde molteem ke Araba is Barata is Ronefa Afrika ( savsugalikeem kan Ertra Bira va Kerafa Bira is India Welfa is Araba Witalu belcon yoltayar ). Koeon ravet da tozi fird gubefa skeda ixam krulded wale taneon Araba is Mesopotamia is dere do krimta is ewala se ke Ronefa Afrika kale Rapta ( mepilkomodana widava ke Tanganyika, lanon kaike Rufiji riska ). Lodelimafa cenkaxa gan arabaf koyasik isu tawavopik ( Al Masudi is Ibn Xaukal is Al Idrisi ) azon zo dafud.

Loon rupé →


Izvafa watsa :  Izva ke ZanzibarKilwa gazaxoMaji-Maji kevmadaraJulius NyerereTanganyikaZanzibara


 
 
Nuvola apps tree.svg
Sanelia
Towara ke sanelia ke Tanzania

Mali "Homo habilis" kali lonoeltaf frofas grelt[edit]

Olduvai ecor, debak ke jontiki seri

Re, Tanzaniaxo tir telo xo videyeso va lokulaf is losavsaf conyuteem ke taneaf ayikkoraf tisik is ayikdunol. Bak 1959, moe Olduvai ecorxo debak kosmara va xim ke Zinjanthropus ( 1 750 000–daf autralopithecus ) gan Leakey, noveyer da afrikaf abdiugal is ayizva warzon zo koafiyid. Kuritcafa is warnafa bada ke serixo va tisuca ke losavsaf ayikdunol ( Homo habilis ) azon ( 1963 ) ve razduyud. Tere, koe lotitefa bada, va 600 000-daf xim ke Homo erectus divsidayad. Strabrega ke ilbodeyena xeka isu dri trasiyina koe lonoeltafa bada va elubkuca ke ayexonenuca koe bata gola ke Roneafrika vrutad.

Loon rupé →


Saneliafa watsa :  Saneliopa va TanzaniaMikreem ke TanzaniaWidava ke Tanzania


 
 
Crystal128-kcoloredit.svg
Araya is yamba
Nyama choma estuxa bak Koroga Kapava koe Nairobi
Prostewafa kudja ke Tanzania

Burmotaropa[edit]

Nyama choma estuxa tir kum deaxolafa pustayana atela, sanegapafa koe Kenya ( lize wetce ana vedeyafa estuxa ) is Tanzania. Nyama choma muxaks vas « pustarotafa atela » swaxiliavon sugdalar. Egara : Koe Kenya, deaxolafa atela zo abdualbar, voxen jaftola dere zo faver. Ta garifa nyama choma estuxa, eip is culo anton zo loplekud, voxen yontan koe aotceks dem nyorku is biolma is glefayan betcelek do abico pofo rizo is vobekratela taneon koljed.

Loon rupé →


Arayafa is yambafa watsa :  Rwalt is vundopaAveemSuteroteemYambaGaara is taveraAlkeemUtieemBurmotaropa
Tamavafa gadakiewega ke UNESCO

Tanzania
Jamhuri ya Muungano wa Tanzania
The United Republic of Tanzania
Flag of Tanzania.svg Coat of arms of Tanzania.svg
Tanzania (orthographic projection).svg
Kelu Dodoma
Ava  Swaxiliava, Englava
Vertuma  Sokasane
Welma 945 087 km²
Sanelia 44 928 923 (2012) [1]
For 47 ir-/km²
Tal Shilling ke Tanzania
betara teza


Liwot va Tanzania
LocationAfrica.png
Afrika
AngolaAvafrikaBeninaBissauguineaBotswanaBurkinaBurundiaErtraGabonaGambiaGanaGeeafrikaGeesudanaGuineaItyopiaJazairaJibutiaKaboverdeaKamerunaKenyaKomoriaKongoaSokasanerotifa KongoaKoteIvoiraLesotoaLiberiaLibiaMadagasikaraMagribaMalawiaMaliaMauritiaMisraMozambikaMuritaniaNamibiaNigeraNigeriaRwandaSaotomeprincipeaSenegalaSeycellaSierraleonaSomaliaSudanaSwatiniaTaltefa SaxaraTanzaniaTcadaTogoaTunusaUgandaWitaluguineaZambiaZimbabwea

Vuestexa[edit]

  1. "Population Distribution by Administrative Areas, 2012 Population and Housing Census, National Bureau of Statistics, United Republic of Tanzania, 2013".