Wp/avk/Tamavafa gadakiewega koe Sudana

From Wikimedia Incubator
< Wp‎ | avkWp > avk > Tamavafa gadakiewega koe Sudana
Jump to navigation Jump to search

Bat teliz va kot debak bendeyen dene Tamavafa Gadakiewega ke UNESCO koe Sudana otular.

Bak 2018, baroy debak ke Sudana tid ke winugafa vexala ke Tamavafa Gadakiewega : totoloy arayaf is tanoy tuwavaf.

Winugafa vexala[edit]

     Bat debak bevular iyelaf

Gebel Barkal.jpg Jebel Barkal is debak ke Napata gola Welma : 1.83 km²
Arayaf debak bendeyen bak 2003 Ludeem : (i) (ii) (iii) (iv) (vi)  UNESCO otuk : 1073
Debala : Ach-Chamaliya Soka Maneka : OOjs UI icon mapPin-progressive.svg 18° 31' 59" L-, 31° 49' 01" R-

Bat aluboy rawopaf debak moe gola kene Nil krant ontinon ice loon 60 km- tigid. Kot debak tid ke Napata araya ( wali -900 is -270 AF ) oku Meroe ( wali -270 is 350 AF ), ke toleafa rekola ke Kush gazaxo. Debak vas relidakirafa naboxa isu relidiskafa is dopewa is irubasa kolna is berma ruldad. Mali savsugal, Jebel Barkal venta dun tiyir dikisa va alkafa prostewa is rwalt. Dalafa dopewa gu tumtaxo wan zo torigid. [1]

Sudan Meroe Pyramids 30sep2005 4.jpg Rawopaf debakeem ke Meroe ewala Welma : 23.57 km²
Arayaf debak bendeyen bak 2011 Ludeem : (ii) (iii) (iv) (v)  UNESCO otuk : 1336
Debala : Nahr an Nil Soka Maneka : OOjs UI icon mapPin-progressive.svg 16° 55' 59" L-, 33° 43' 01" R-

Rawopaf debakeem ke Meroe ewala, i lion letaf patectoy wale Nil bost is Atbara kuksa, tiyir idja ke Kush gazaxo gijarotipafo wali vol-VIII-eafa decemda isu vol-IV-eafa. Kiewega vas gazawid ke Kush gazik ke Meroe poke Nil bost is Naqa vegungaf alkaf debak isu Musawwarat es Sufra ruldar. Tiyir kelu ke yon nafalik kereleyes va Misra remi mon tanoya decemda, vanmiae aryona stabrega isu relida isu dopewa isu irubaxo isu dere lavagatceso inkexopo. Sinafo gazaxopo divlizeyeno male Mediterranea bira kale idja ke Afrika, isen kiewega va moortera ke yambind is vegeduropa is alkeem is aveem wal bata toloya gola vrutar. [2]

Gomophia egyptiaca, Sudán.jpg Sanganeb vedeyaf biragerd is Dungonab ceda vedeyaf biragerd Welma : 1995.23 km²
Tuwavaf debak bendeyen bak 2016 Ludeem : (vii) (ix) (x)  UNESCO otuk : 262
Debala : Al Bahr el Ahmar Soka Maneka : OOjs UI icon mapPin-progressive.svg 19° 44' 10" L-, 37° 26' 35" R-,
20° 56' 14" L-, 37° 15' 19" R-

Sanganeb vedeyaf biragerd is Dungonab ceda vedeyaf biragerd
Kiewega tir dem toloy solwif pak : Sanganeb tir bumafo drakxo is rinca iste Ahmar Bira arte 25 km- male biradom ke Sudana. Tadle ke toleaf pak ke kiewega tir Dungonab ceda is Mukkawar ewala. Arte 125 km- lente Bur Sudan tigir ise vas gedrapafa belca dem drakxo is dervekxo is birawerdxo is piluda is ewalama ruldar. Kiewega tir irubaxo ke yona sanelia dem birazveri isu biraf moukdunol isu kabay isu ricol isu imboza isu yali. Dungonab ceda va tana nelkafa tamavafa sanelia dem wekixol dere bravar.
[3]

Vuestexa[edit]


Flag of UNESCO.svg
Tamavafa gadakiewega koe Afrika
AngolaAvafrikaBeninaBissauguineaBotswanaBurkinaBurundiaErtraGabonaGambiaGanaGeeafrikaGeesudanaGuineaItyopiaJazairaJibutiaKaboverdeaKamerunaKenyaKomoriaKongoaSokasanerotifa KongoaKoteivoiraLesotoaLiberiaLibiaMadagasikaraMagribaMalawiaMaliaMauritiaMisraMozambikaMuritaniaNamibiaNigeraNigeriaRwandaSaotomeprincipeaSenegalaSeycellaSierraleonaSomaliaSudanaSwatiniaTaltefa SaxaraTanzaniaTcadaTogoaTunusaUgandaWitaluguineaZambiaZimbabwea