Wp/avk/Tamavafa gadakiewega koe Namibia

From Wikimedia Incubator
< Wp‎ | avkWp > avk > Tamavafa gadakiewega koe Namibia
Jump to navigation Jump to search

Bat teliz va kot debak bendeyen dene Tamavafa Gadakiewega ke UNESCO koe Namibia otular.

Bak 2018, toloy debak ke Namibia tid ke winugafa vexala ke Tamavafa Gadakiewega : 1 arayaf is 1 tuwavaf.

Winugafa vexala[edit]

     Bat debak bevular iyelaf

Twyfelfontein 16.jpg Twyfelfontein Welma : 0.57 km²
Arayaf debak bendeyen bak 2007 Ludeem : (iii) (v)  UNESCO otuk : 1255
Debala : Kunene Gola Maneka : OOjs UI icon mapPin-progressive.svg 20° 35' 46" G-, 14° 22' 23" R-

Twyfelfontein va tan lozolonaf avplekuks dem raporaf gretcaks koe Afrika ruldar. Lo bat grabom nendanyayan va beicekol is fuzol is waikoy is kustrol volad, is dere va conyuta ke ayafa ik sulemafa bora. Debak va tevoya buta yunkeyena gu ayaf kaatoeks kan kerafa varka dere ruldar. Koafizayana stabrega koe toloy pak ke debak gu tena ke Lekeraporugal zo evlayad. Debak va sapafa is zolonafa is dugafa belca tazukar, i va belca vrutasa va migafa ksubera ke yestatcabanesikafa doda koe bati ki ke geefa Afrika remi icle toloya decitda. Va gluya is skeda wal migafa ksubera isu skapafa ke yestatcabanesik uiveon divnedir. [1]

Sossusvlei oPEYRE.jpg Namib Letaxo Welma : 30777 km²
Tuwavaf debak bendeyen bak 2013 Ludeem : (vii) (viii) (ix) (x)  UNESCO otuk : 1430
Debala : Hardap Gola, Karas Gola, Erongo Gola Maneka : OOjs UI icon mapPin-progressive.svg 24° 53' 06" G-, 15° 24' 29" R-

Debak besas va loon 30 000 km² is canexo welmon ice 9 000 km², tir antafo krimtafo letaxo lize bixelabaxopo turestano gan sel tigid. Letaxo tir dem toloy labaf bolk, i dem bat savsaf tudelaweyes is moeon ban lojotaf is lotegis. Xo tir burkafo kiren laba tid kum iluniyisa ugota bureyena gan voa ik birasalt ik suka mal istexo ke geefa Afrika. Debak dere tir dem maltifa azeka is krimtafa tcelda is raporafa bria is wafanza koe letaxo is krimtafa anoda is rionda, numen bata kotcoba va burkon listapaf patectoy tadler. Sel batlize tir dalafa lavaklita nume va anameda tanafa gu man bil weber lize beza is perakedunol is lizukaf moukdunol gu irubaxomo dure sokaruso isu tuwavopafa ponyaska va int zaled. [2]

Vuestexa[edit]


Flag of UNESCO.svg
Tamavafa gadakiewega koe Afrika
AngolaAvafrikaBeninaBissauguineaBotswanaBurkinaBurundiaErtraGabonaGambiaGanaGeeafrikaGeesudanaGuineaItyopiaJazairaJibutiaKaboverdeaKamerunaKenyaKomoriaKongoaSokasanerotifa KongoaKoteivoiraLesotoaLiberiaLibiaMadagasikaraMagribaMalawiaMaliaMauritiaMisraMozambikaMuritaniaNamibiaNigeraNigeriaRwandaSaotomeprincipeaSenegalaSeycellaSierraleonaSomaliaSudanaSwatiniaTaltefa SaxaraTanzaniaTcadaTogoaTunusaUgandaWitaluguineaZambiaZimbabwea