Wp/avk/Tamavafa gadakiewega koe Koteivoira

From Wikimedia Incubator
< Wp‎ | avkWp > avk > Tamavafa gadakiewega koe Koteivoira
Jump to navigation Jump to search

Bat teliz va kot debak bendeyen dene Tamavafa Gadakiewega ke UNESCO koe Koteivoira otular.

Bak 2018, balemoy debak ke Koteivoira tid ke winugafa vexala ke Tamavafa Gadakiewega : 1 arayaf is 1 tuwavaf is 2 aotcaf.

Winugafa vexala[edit]

     Bat debak bevular iyelaf

800px-Grand-Bassam.jpg Grand-Bassam Welma : 1.10 km²
Arayaf debak bendeyen bak 2012 Ludeem : (iii) (iv)  UNESCO otuk : 1322
Debala : Grand-Bassam Gola Maneka : OOjs UI icon mapPin-progressive.svg 5° 11' 46" L-, 3° 44' 10" T-

Taneafu kelu ke Koteivoira, Grand-Bassam izvafa widava tir boniaxofa widavafa tula ke tena ke XIX-eafa decemda is taneafu acku ke XX-eafa decemda. Va azedera ton revava tuaptana gu kaza ok ristula ok europafo irubaxo oku lizukafo tarkar. Debak va Nzima afrikafa onasa wida dere ruldar, is va konaka tula ke boniarafa vegeduropa, i va tulon flifa mona dem lupaxa ik tciga is jontika matela. Grand-Bassam tiyir moltafu is skapafu is malyerotafu kelu ke Koteivoira ; va birtafa seltafa skeda wal europik is afrikik az lizor mu volruptesuca vrutackar. Widava tiyir skapaf rizack ke tawavo dem francafo kazaxo kene Guinea pargalu, abdi witafa Koteivoira, ise va yona sanelia mal cuga coyunta ke Afrika is Europa is mediterraneafa Asia al koimpar. [1]

Taï National Park (24148248710).jpg Taï vedeyaf gerd Welma : 3300 km²
Tuwavaf debak bendeyen bak 1982 Ludeem : (vii) (x)  UNESCO otuk : 195
Debala : Bas-Sassandra Gola Maneka : OOjs UI icon mapPin-progressive.svg 5° 45' 00" L-, 7° 40' 01" T-

Taï vedeyaf gerd va tana ironokafa stabregapa ke taneakafa bwaala koe taltefa Afrika tadler. Kulaf tuwavaf ruxeem is dratcena moukdunolafa katca dum klodaf troskol is san-tanoya jidolafa apta va opaf dulapap atoed. [2]

NationalparkComoe4.jpg Comoé vedeyaf gerd Welma : 11500 km²
Aotcaf debak bendeyen bak 1983 Ludeem : (ix) (x)  UNESCO otuk : 227
Debala : Zanzan Gola Maneka : OOjs UI icon mapPin-progressive.svg 9° L-, 4° T-

Comoé vedeyaf gerd tir tano loglupafo nendaxo ke taltefa Afrika ise tir adalaf gu gedrucapa ke ruxeem. Comoé bost koonis va gerd, va tigira ke gesia dem ruxa gubeon anton trasina vagee patecta divecker, i tulon ke lucameila is vema dem ekemafa abdaala. [3]

Voa Guinea chimpanzee picking 30jan08.jpg Tuwavaxo ke Nimba fluvor Welma : 180 km²
Aotcaf debak bendeyen bak 1981 Ludeem : (ix) (x)  UNESCO otuk : 155
Debala : Dix-Huit Montagnes Gola Maneka : OOjs UI icon mapPin-progressive.svg 7° 36' 11" L-, 8° 23' 28" T-

Tigis kimon ice Guinea is Liberia is Koteivoira, Nimba fluvor va anamefa meila sofelir. Datceem besanaf gu ekamafa aala tite webekafa garba va kulapaf ruxeem isu fled ruldar, dem lizukafa apta dum gemuinda ( Nimbaphrynoides occidentalis ) is zegol malsaves va raporki ton xeka. [4]

Vuestexa[edit]


Flag of UNESCO.svg
Tamavafa gadakiewega koe Afrika
AngolaAvafrikaBeninaBissauguineaBotswanaBurkinaBurundiaErtraGabonaGambiaGanaGeeafrikaGeesudanaGuineaItyopiaJazairaJibutiaKaboverdeaKamerunaKenyaKomoriaKongoaSokasanerotifa KongoaKoteivoiraLesotoaLiberiaLibiaMadagasikaraMagribaMalawiaMaliaMauritiaMisraMozambikaMuritaniaNamibiaNigeraNigeriaRwandaSaotomeprincipeaSenegalaSeycellaSierraleonaSomaliaSudanaSwatiniaTaltefa SaxaraTanzaniaTcadaTogoaTunusaUgandaWitaluguineaZambiaZimbabwea