Wp/avk/Spy (arula)

From Wikimedia Incubator
< Wp‎ | avkWp > avk > Spy (arula)
Jump to navigation Jump to search

Spy arula, tir abdiizvugalaf debak tigis koe Namur winka iste mon Belga.

Pimtara[edit]

Arula keve aalafa datca kentalte Orneau kuksama tigir. Kolanixo koe xufa raporkapa ontinafa gu 20 m- tigir. Restapa ontinafa gu 5 m- voke zegodaf swalot, is listaf kojok talteon.

Ayik ke Spy[edit]

Ayik ke Spy tir yolt gayan pu baroy pakaf yup is konak megluyonan yupolk, i xim tis ke Homo neanderthalensis katca kosmayan koe Spy arula. Toloy taneaf yup bak 1886 zo koafizayad ise tiyid toleafa kosmara va seri ke Neandertal ba barsanda radimi tela koe Neander krant koe Germana. Sinafa evlara tir mon 38500 AR tanda.

Izvot[edit]

Abdiizvugalaf debak ke Spy va dulapera ke rawopik jontikedje sumpayar. Taneafa mojoxara bak 1879 zo skuyud. Frukti is barma is melmakolafa talga is aryona muka jontikote zo kosmayad.

Bak pereaksat ke 1886, bad toleaf joxas tawuk, Maximin Lohest sidopik is Marcel De Puydt rawopik is Armand Orban va ayaf yupolk vwon ice azekos koafizayad, i yupolk tis ke toloy olkik ( Spy 1-e ayikya is Spy 2-e oyikye ). Kiewackafa oriava va pulara wetce Neandertal xim noveyer. Bata kosmara tiyir zolonafa ise va kruldera is savsuca ke Neandertal ayik gruyeyer, i ke ayikinda amidafa gu Homo sapiens sapiens witaf ayik.

Bak 2010 bareaf yup koe Spy arula zo kosmayar, i yup ke Neandertal rumeik klaaf gu san-aluboy aksat is milsareon evlayan.

Badopa[edit]

Bak 1886 kosmasik va icle peroya vwa ke lekeraporugalafa kerelera tudenayad. Baroya vwa gu Neandertal is Moustier Sare is balemoya gu witaf ayik ke Aurignac Sare ok Gravette Sare zo gayad.

Evlara is nastopa[edit]

Seri ke Spy bak 2009 gu 36000 AR tanda zo evlayad nume tid ke Jotaf Lekeraporugal.

Araya is bevulara[edit]

Deraykara ke niskaximeem ke toleaf kosmayan olkik is ronutaltafa vodjura ( taka az nugeem ) askid da lantan va yupxo sazdad numen batcoba va alkafa abdikerelera selton gu Neandertal ayik co bazer. Omavason moe altaf tazuk ke gluda, lan aneyasik uldined da Neandertal ayik va avot diyir.

Dum Homo sapiens milsareon, laptese cave ke Neandertal ayik tiyir kan tcabanera is onara is yestara.

Vuestexa[edit]

Spy arula
Wiks va kolanixo ke arula
DEBALA
Debala Onoz wida, Walona gola
Belga   Flag of Belgium.svg
Maneka 50° 28′ 49″ L-, 4° 40′ 28″ R-
KIRA
Ord -
Sidopugal Pleistova
Ayafe sare Moustier Sare
Ontine ke kolanixo - m-
Grupene abrotce 11 m-