Wp/avk/Sofia Leschern von Hertzfeld

From Wikimedia Incubator
< Wp‎ | avkWp > avk > Sofia Leschern von Hertzfeld
Jump to navigation Jump to search
Sofia Leschern von Hertzfeld
1842-1898
Rossiaf artowasik

Sofia Aleksandrovna Leschern von Hertzfeld ( rossiavon Софья Александровна Лешерн фон Герцфельд ) tiyir rossiaf artowasik. Koe Maglye Megletsi wida ke Novgorod bowexo ke savsafo rossiafo gindaxo bak 1842 kobliyir. Bak 1898 koe Selenginsk wida poke Tcita koe Sibira mulufter.

Blirizva

Toza

Sofia Leschern tir vey savsafa oluafa yasa xantafa gu Sveriga. Nazbeikya ke Aleksandr Karlovitc Leschern jadiwik, tir dem Anna berya ( 1838-1899 ) is Aleksandr berye. Yasegon zo gaayar ise va konaka ava grupeyer ise belipiyir.

Bak 1870 dene Alartcinski ayikyaf kizey koe Sankt Peterburg vayar lize va Sofia Perovskaya is Elizaveta Kovalskaya is Anna Korba is Aleksandra Kornilova isu Vera berikya tulon rungruper. Sina va rijay vayas va gaderopaf suteroteem belcon toz tazukad.

Bak 1871 va seltafa kobara koe Megletsi wida ke yasapilkot taneaskir. Va kayderak mu tawadayikeem grustar aze va bemama fenkur liz va konak tavesik ganer. Bak 1873 zo ranker nume bema gan rictaga zo buder. Sofia vol ronotaver. Blison koe yasapilkot soe kev bowere tove tawadayikeem wan galbedur. Taneatomon zo soper voxe kalion zo tunuyar.

Saneevaf galbedusik

Tici 1873 va Sankt Peterburg koirubar ise va Lermontov rijay yoter. Bak alubeaksat ke 1874 kan rolafa remeluxaxa yolton gu Varvara Leceva, ko Saratov winka « van sane » lakir lize kev bowere di galbedur.

Ba 17/06/1874 koe Saratov zo soper. Koe lamoneflint ke widava taneon zo dagir aze ko Sankt Peterburg zo arburer. Mali toleaksat ke 1875 koe Petropavlovskaya ralma zo dagir. Va barda koe konak flint tiskir. Bak 05/05/1877 bal Jiz va 193 ke Sankt Peterburg nope redura va memwedafa doda isu pakera zo komalyer. Va bibera ke erkey vol djukudulzar. Ba 23/01/1878 gu pakera va memwedaf grustaks is gomilasa tegira zo tugunar nume gu zelara va rokeem is divblira koe Tobolsk winka zo lanzar.

Maltegira ke turestaf vuwik jupar da restali gu bardafa koenintera ke ardial ke Sankt Peterburg gan gindik zo artazukar. Aguntanik ke Sofia, i Feofan Nikandrovitc Lermontov, dere lanzayan bal mil jiz kadimion mulufter.

Bak idulugal ke 1878 il Sankt Peterburg yater. Kan rolafa remeluxaxa koe Kyiv levirubar lize va Valeryan Osinski ( kobliyisi bak 1852 ) di rungruper.

Xalta az stanjura

Bak 24/01/1879 do Osinski is Volocenko nope ervokirafa acagira va ardial zo soper. Ba 07/05/1879 sayakaf erkey ke Kyiv utca va Osinski gu viltxonuka lanzar. Sofia Leschern gu mila xonuka dere zo lanzar voxen gakera gu zelara va rokeem is parmafa poana kobara koe xalta waroldon zo tuaxar. Ba 21/11/1879 ko Kara artlakir.

Arti gakesa sanda bak 1890 zo divxaltar ise dene nuyafi soli zo rundar. Aze gakera gu tolsanda zo kastar aze bak 1894 winugon zo tunuyar. Va Selenginsk gonovirubar lize bak 1898 nope rizakola mulufter.

Vuestexeem

  • (ru) Лешерн-фон-Герцфельдт Софья Александровна // Деятели революционного движения в России : в 5 т. / под ред. Ф. Я. Кона и др. — М. : Всесоюзное общество политических каторжан и ссыльнопоселенцев, 1927—1934.

Sofia Leschern von Hertzfeld

Sofia Leschern von Hertzfeld

 Koblira  1842,
 Maglye Megletsi , Novgorod winka, Rossia
 Awalkera  1898,
 Selenginsk poke Tcita, Rossia
 Vedeyot  Rossia
 Tegira  Galbedus artowasik is tavesik
  Bifa 
P Parthenon 2.svg  Tuveli icde Izvopa  P Parthenon 2.svg
Xe ke Kara xalta, 1891
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc