Wp/avk/Semyon Tcelyuskin

From Wikimedia Incubator
< Wp‎ | avkWp > avk > Semyon Tcelyuskin
Jump to navigation Jump to search
Namirafa raporka koe Belyov koblixo ke Tcelyuskin

Semyon Ivanovitc Tcelyuskin ( rossiavon Семен Иванович Челюскин ) ( ≈1700-1764 ) tiyir rossiaf naelaf vestasik isu totasik, xanton ice Belyov widava koe taltefa Rossia.

Tcelyuskin ta toleafa brinugapa vestasa va Lenteka bak 1733 zo kiblayar. Brinuga gan Vitus Bering zo dirgayar isen Tcelyuskin kali 1743 pakeyer, dere do Vasili Prontcictcev is Xariton Laptev.

Bak imwugal ke 1741, mal Xatanga bost kal Pyasina bost koo siday koyayar. Va ronefa krimta male Taymir dega kale Middendorf ceda, az male Pyasina artexo kale Yenisey artexo pimtayar. Bak fentugal ke 1741-1742, mal Turuxansk kal Xatanga artexo koyayar, pimtason va lentefa krimta ke Taymir dega male Fadey evilma kale roneon Taymir artexo. Tcelyuskin va ano lentefo xo ke Eurasia kosmayar, i va xo porason yoltatano gu Tcelyuskin Evilma bak 1843 gan Alexandr Middendorff.

Jontiko tawavafo xo koe Sibira gu Tcelyuskin kaikion zo yoltayad.

General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiaf vestasik va Sibira
Fedot AlekseyevVladimir ArsenyevVladimir AtlasovPyotr BeketovVitus BeringSemyon DejnyovKurbat IvanovDmitri LaptevXariton LaptevIvan MoskvitinMaksim PerfilyevVasili PoyarkovVasili ProntcictcevDemid PyandaMixail StaduxinOnufri StepanovSemyon TcelyuskinAleksey TcirikovMerkuri VaginYerofey XabarovYermak Timofeyevitc