Wp/avk/Recela 54 : Sanjō Ōhashi (gweta)

From Wikimedia Incubator
< Wp‎ | avkWp > avk > Recela 54 : Sanjō Ōhashi (gweta)
Jump to navigation Jump to search
Artlanixo : Sanjō Ōhashi ~ 京市 (JA)


Artlanixo : Sanjō Ōhashi ( niponavon 京市 ) tir alub-san-alubeafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir alub-san-bareafa ke enk ise va greelt koe Sanjō Ōhashi kaatoer. Tir bocafa ke enk ise va artlanixo koe Sanjō Ōhashi ke Kyoto kaatoer.

Sanjō Ōhashi[edit]

Sanjō Ōhashi ( niponavon 三条大橋 ) tir za tigisa koe Kyoto vamoe Kamo kuksa, i koe gindafu kelu. Bata za va artlanisa recela ke Tōkaidō zalor isu Nakasendō zanudayar. Bata za abdi 1590 zo vegeduyur.

Gweta ke Hiroshige va zapa kum inta, favena gan jontik koyasik is irubasik. Za tir ton walziaf tazuk rigavanaf moe pofe dre dem jontik delaf swalot ekastayan koe voak is xatoy ke kuksa.

Talteon kaike kuksa, va Kyoto tite meftava koafina gan vanawaltara kozwit. Va reapa dem jontika koridxa sinton xuvawesa don yona drume domega ke kuksa efe wit. Soe meka korobafa cugexa meiu dopewa sol metazukafa zuvda ke kolneem solwiwer.

Siak ke Hiroshige, i katitufa wira va za katic kuksa, va mana litera pebuckur larde izvafa widava is intyona nelkaf cugexeem lotalteon tigiyid. Voxen bata kiblara jupar da zolonuca ke gindafu is izvafu kelu zo tuvestayar, joke Edo kelu ke shogun enfelisik va patecta.


Dere rupec[edit]

Stragela[edit]

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Artlanixo : Sanjō Ōhashi

京市 (JA)

Artlanixo : Sanjō Ōhashi

 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

Crystal Project colors.png  Tuveli icde Lingeropa  Crystal Project colors.png