Wp/avk/Recela 20 : Mariko (gweta)

From Wikimedia Incubator
< Wp‎ | avkWp > avk > Recela 20 : Mariko (gweta)
Jump to navigation Jump to search
Recela 20 : Mariko ~ 鞠子 (JA)


Recela 20 : Mariko ( niponavon 鞠子 ) tir tol-san-taneafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir tol-saneafa ke enk ise va greelt koe Mariko kaatoer.

Greelt ke Mariko[edit]

Recela ke Mariko ( niponavon 鞠子宿 ) koe refa Suruga utca ke Shizuoka winka tigiyir. Tiyir recelama ke Tōkaidō vawa. Va yon emacek dem guazafa mona ke Edo Sare rowit.

Hiroshige va tana jontika yorida ke Mariko batlize kotgruper, i va Yeladaxe va sposafa aptaca miwane koe konaka zalorneva isu berpot ke bane sare, i koe tulon sposaf berpot ke Jippensha Ikku ( Tōkaidōchū Hizakurige ~ Lanison moo Tōkaidō vawa ). Aptaca ke xo tiyir sfiaabre.

Gweta va toloy koyasik nakilar, i koyasik delfajon estus va gestuxa zanina gan ayikya dem rumeik bene ge. Moe vawa kabdue yorida va illanise plouse koyasikye dem edji is baplalioza bene peya wit.


Dere rupec[edit]

Stragela[edit]

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Recela 20 : Mariko

鞠子 (JA)

Recela 20 : Mariko

 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

Crystal Project colors.png  Tuveli icde Lingeropa  Crystal Project colors.png