Wp/avk/Recela 15 : Kanbara (gweta)

From Wikimedia Incubator
< Wp‎ | avkWp > avk > Recela 15 : Kanbara (gweta)
Jump to navigation Jump to search
Recela 15 : Kanbara ~ 蒲原 (JA)


Recela 15 : Kanbara ( niponavon 蒲原 ) tir san-teveafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir san-alubeafa ke enk ise va greelt koe Kanbara kaatoer.

Greelt ke Kanbara

Recela ke Kanbara ( niponavon 蒲原宿 ) koe refa Shimizu utca ke Shizuoka winka tigiyir.

Bata gweta ba siel tir volsafa gu tela darefa : meftava is aal is mona ikz-, i kota tadlexa kan vuga uka zo kaatoer, i kan anton abica ebeltafa conya zovdasa va noldabadeem is valevef kevaxan tazukeem.

Ksevaks ta kaatoera va koredik tigid : talteon irubasik ke wida is roneon toloy blaganyes koyasik va int djunendas gu fent is noldolk kadimeon titnis.

Poke biradom Kanbara geltron tir lidawickon gu koxafa yankacka numen nolda besasa va patectoy gu danexa ke gesta ke Hiroshige anton zo torigir, isen batcoba va inafa muxasa gijarotiuca ta dalingera va tuwavolk vrutar.


Dere rupec

Stragela

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Recela 15 : Kanbara

蒲原 (JA)

Recela 15 : Kanbara

 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

Crystal Project colors.png  Tuveli icde Lingeropa  Crystal Project colors.png