Wp/avk/Recela 10 : Hakone (gweta)

From Wikimedia Incubator
< Wp‎ | avkWp > avk > Recela 10 : Hakone (gweta)
Jump to navigation Jump to search
Recela 10 : Hakone ~ 箱根 (JA)


Recela 10 : Hakone ( niponavon 箱根 ) tir san-taneafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir saneafa ke enk ise va greelt koe Hakone kaatoer.

Greelt ke Hakone

Recela ke Hakone ( niponavon 箱根宿 ) koe Hakone widava ke Ashigarashimo utca tigiyir. Tice ontine vas 725 m-, tiyir tela lodontinafa recela ke Tōkaidō vawa ise inafa kiewagira tiyir mefakafa. Bak 1618 zo exoneyer moe azeme wale Hakone roz is Ashi uzda.

Kelda ke Hakone batlize kaatoeyena tir tela lowavdafi ise wupekirafi zalorki. Koyasik va yon titsuyaf krant goremlaniyid ise va arestaf roz gonurpeyed. Gola tir savsaf tculkskarn. Ison tice derenca kevrojupuno sangxo tigiyir lize ervokirapaf ardial ke shogun patectokilik va kot koyasik gikalstujeyer, dile remi konak bartiv.

Keve ludev va Fuji tculkap rowit, voxen vetcoyera gan ksevakiraf is vucaf is votcukaf is vudimesa buneks nelkon zo vanimpar. Bata gweta ape tir tela lomuxasa ke enk dem 53 recela ke Tōkaidō vawa. Isen nekev bata ksevafa nouca, titefa uzda va jadifa litera vas amlit lanekir. Neken man amlit tir brutapaf viele va suka is fent gazas koe bato xo grupet. Swava vey zen prostewa ke siniaf grupelaf lingesik koe bata gweta zavzar : po ke meftava va amlit ke lava dulzar, ise tir pokefa gu tela ke krafolma ke Huang Gongwang ( Yona mona koe Fu Chuen meftaxo ).


Dere rupec

Stragela

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Recela 10 : Hakone

箱根 (JA)

Recela 10 : Hakone

 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

Crystal Project colors.png  Tuveli icde Lingeropa  Crystal Project colors.png