Wp/avk/Raymond Radiguet

From Wikimedia Incubator
< Wp‎ | avkWp > avk > Raymond Radiguet
Jump to navigation Jump to search
Raymond Radiguet
1903-1923
Francavaf suterotik

Rotakaf vayasik koe Charlemagne olda ke Paris, Raymond Radiguet tir zardaf belisik va pulukevaf sutesik ke XVII-eafa is XVIII-eafa decemda. Va lonoeltaf ezlopik dum Paul Verlaine is Stéphane Mallarmé is Arthur Rimbaud is Lautréamont dere skeur, i va yambik turestapas va inafa jotafa bruxa.

Mali san-alubdafa klaa, in gorar da ten vayar ise va feleva kotron ektudar. Va abdifis yambik isu suterotik kalion rungruper, i va tulon Jean Cocteau bak 1920. Moida battan va konak reduks ke jotaf ezlopik gildeyer, pune platir enide Radiguet toz suterotur. Banvielu, bate toloye yikye belcon dun tigid, aze va morapafa virda dokobamba gu tulon Paul Morand is Tristan Tzara redud.

Bak 1921 va sutelara va Oretlik koe alto tenuker, i va berpot koswana gan skedegara do jotafa Alice vegungikya dem kurenye mallapiyise ko redjel. Bat berpot di bilitar viele weti tolda di zo sanegar voxe di tir kiewatcapa. In va sutera va toleaf berpot ( Le Bal du Comte d'Orgel ~ Sirta ke Orgel biptik ) waroldon bokar voxen bana neva radimi muluftera bak 1924 zo piskutur. Kiren riftakola va in dolister solve inafa klepa biwe tozuwer. In ba tol-sandafa klaa awalker nume vanpir brija ke francavaf suteroteem ke toza ke XX-eafa decemda.

Elpatafa zalera bak 1947 va inaf berpot Oretlik koe alto va tusanegara va inaf grabomeem webeter.

Tanefa piskura va Le Diable au corps bak 1923

Kalkotavayan suterot[edit]

  • Oretlik koe altoLe Diable au corps ), kalkot- 2017 gan Laurent Lermigny, Kotavaxak dem Suterot dotay, banliz
Raymond Radiguet

Raymond Radiguet

 Blira 1903-1923
 Ava Francava
 Suterind Berpot
  Suterot 
  • Le Diable au corps (1923)
  • Le Bal du comte d'Orgel (1924)
Bookshelf icon (red and blue).svg  Tuveli icde Suteroteem  Bookshelf icon (red and blue).svg