Wp/avk/Pyotr Beketov

From Wikimedia Incubator
< Wp‎ | avkWp > avk > Pyotr Beketov
Jump to navigation Jump to search


Cugexa va Beketov koe Yakutsk

Pyotr Ivanovitc Beketov (rossiavon : Пётр Иванович Бекетов ) tir rossiavaf vestasik, kobliyis moni 1600 az awalkeyes moni 1661. Bat kazakaf okilik ke Sibira va konaka widava don Yakutsk is Tcita is Nertcinsk koeon zabduyur.

Blirizva[edit]

Pyotr Beketov va sayakaf zanugal wetce susik ( strelets ) bak 1624 tozuweyer aze ko Sibira bak 1627 zo stakseyer. Gu winkokilik ke Yenisey gola zo kofliyir nume va taneafa koyara ko Baikal kaikegola ta yutera va koayka bas Buryat sanelia bokayar. Va vuida kiewatcon raplekuyur nume tiyir taneaf rossiik kolapis va Buryat gola. Va taneafo rossiafo boniaxo zabduyur, i va Ribinski Ostrog.

Pyotr Beketov van Lena bost bak 1631 zo stakseyer. Diretandon do Kazak dositik va Yakutsk zabduyur, i va play titis mallapixo ke aryona ronafa brinuga. Va kazakik stakseyer, ta vestara va Aldan kuksa is Kolima bost is inkera va yon warzaf folk is yutera va koayka bas lizukafa sanelia. Bak 1640, ko Moskva va yuteyena koayka vanbureyer nume gu kazakaf vombik zo kofliyir. Bak 1641, Beketov ko Yenisey Ostrog folk gin lapir lize di dirgayar.

Kazakikaf folk kolnayan gan Beketov is inyon dositik, xanton gu Yakutsk widava

Bak 1652, va toleafa koyara ta yutera va koayka koe Buryat gola bokayar. Diretandon, kazakik ke Beketov va Irgenski Ostrog ralma is fentugalafo pemaxo domegon ice Ingoda kuksa vanpitiso Tcita zabduyud. Bak 1654, va Nertcinsk stekefa widava zabduyud. Bak 1655 koe Cilkinski Ostrog folk gan tcumivaf Buryat saneik zo deblameyed, voxe va gola di ladiliayad aze va Amur bost kallakid. Beketov ko Tobolsk bak 1661 dimlapiyir. Bak abica direfa tanda nuve awalkeyer.

General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiaf vestasik va Sibira
Fedot AlekseyevVladimir ArsenyevVladimir AtlasovPyotr BeketovVitus BeringSemyon DejnyovKurbat IvanovDmitri LaptevXariton LaptevIvan MoskvitinMaksim PerfilyevVasili PoyarkovVasili ProntcictcevDemid PyandaMixail StaduxinOnufri StepanovSemyon TcelyuskinAleksey TcirikovMerkuri VaginYerofey XabarovYermak Timofeyevitc