Wp/avk/Praskovya Ivanovskaya

From Wikimedia Incubator
< Wp‎ | avkWp > avk > Praskovya Ivanovskaya
Jump to navigation Jump to search
Praskovya Ivanovskaya
1852-1935
Rossiaf artowasik

Praskovya Semyonovna Ivanovskaya yer-kirafa gu Volocenko ( rossiavon Праско́вья Семёновна Ивано́вская, Волошенко ) tiyir rossiaf artowasik. Koe Sokovnino widama koe Tula bowexo ke savsafo rossiafo gindaxo ba 15/11/1852 kobliyir. Ba 19/09/1935 koe Poltava ke Ukraina koe savsafa TSSS awalkeyer.

Blirizva

Praskovya koe Sokovnino wida ke Tcerni utca koe Tula bowexo koblir, nazbeya ke gertikye. Va toloya berya Evdokia is Aleksandra is baroye berikye Vasili az Ivan az Pyotr dikir.

Dene alkopafa bema ke Tula az dene Alarcin kizey koe Sankt Peterburg vayar.

Mali 1875 va saneevikaf seltom koe Odesa yoter. Bak 1878 taneatomon zo soper nume remi baroy aksat zo koflintar. Aze dene gadikye abdi jiz zo stanjur. Van Vasili berye blise koe Romania birgoton gelber.

Dim Rossia bak imwugal ke 1880, va Narodnaya Volya grustaks yoter ise va tadlera va gelbe is inkera va rubiaxe paker.

Adjubesa bilmara va Plehve eldik bak 1904
(yunkeks ke Angelo Agostini)


Bak pereaksat ke 1882 koe Vitebsk zo soper. Bak 1883 bal Jiz va 17 zo komalyer. Taneon zo xonukalanzar azen gakera gu parmafa poana kobara zo nuner. Ko xalta ke Kara koe Sibira zo stakser lize do tulon Nadejda Smirnitskaya is Nadejda Sigida is jontikara koxaltayana artowasikya di tigir. Bak alubeaksat ke 1897 ko flint ke Akatuy zo arburer.

Bak 1898 do Innokenti Volocenko yerumanik div flint koe Barguzinsk zo stanjur. Banlize balemdon di soker, kali 1902 viele va Tcita enintenon gan ardial koirubar. Bak 1903 yater aze ko europafa Rossia birgoton dimlapir.

Koe Sankt Peterburg va lyumas grustaks ke Seltevafo Artowaso Pako denfir. Do Savinkov is Sazonov va egara va bilmara va Vyatceslav Plehve. Moi adjubera va Plehve ba 15/07/1904 ko Odesa az Romania mallapir. Titi 1905 ko Rossia dimlapir lize artowason gin tegir.

Ba 16/03/1905 do lo bewik ( 17 korik ) ke lyumas grustaks ke Sankt Peterburg gan ardial zo soper. Kali santaneaksat ugaloron zo dagir vieli emnagayanon zo tunuyar. Kaikion va kota gaderopafa tegira jovler.

Do Volocenko va Poltava koe Ukraina koirubar. Kaiki awalkera ke yerumanik, dene yasa ke Evdokia berya is Vladimir Korolenko blir ise va grustara va inafa suterotafa is namifa tcila kobaver. Ba 19/09/1935 koe mila widava awalker.

Berikeem

Vuestexeem

  • (ru) Ивановская П. С. В боевой организации: Воспоминания. М., 1928.
  • (ru) Ивановская П. С. Первые типографии «Народной воли». // Каторга и ссылка. 1926, № 3.
  • (ru) Ивановская П. С. Документы о смерти Н. К. Сигиды. // Каторга и ссылка. — 1929, № 11.
  • (ru) Ивановская П. С. Л. Д. Терентьева. // Каторга и ссылка. 1931. № 3.
  • (ru) Женщины-террористки в России. Бескорыстные убийцы. Ростов-на-Дону. Феникс. 1996.
  • (ru) Деятели СССР и революционного движения России. Энциклопедический словарь Гранат. М., Советская энциклопедия, 1989. (Mivizva)
  • (en) Engel, Barbara Alpern; Clifford N. Rosenthal (1987). Five Sisters: Women Against the Tsar. Routledge. ISBN 978-0-415-90715-6.

Praskovya Ivanovskaya

Praskovya Ivanovskaya

 Koblira  15/11/1852,
 Sokovnino, Tula winka, Rossia
 Awalkera  19/09/1935,
 Poltava, Ukraina, TSSS
 Vedeyot  Rossia
 Tegira  Bilmas artowasik
  Bifa 
P Parthenon 2.svg  Tuveli icde Izvopa  P Parthenon 2.svg
Xe ke Kara xalta, 1891
Wiks va Akatuy xalta, 1891
Innokenti Volocenko (1848-1908), yerumanik
Praskovya Ivanovskaya bak guazugal
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc