Wp/avk/Okavango (kuksa)

From Wikimedia Incubator
< Wp‎ | avkWp > avk > Okavango (kuksa)
Jump to navigation Jump to search
Okavango
bost
A view down into the Okavango Delta.jpg
KIRA
Abrotce 1 600 km-
Kuksaxo   721 258 km²
Bost Okavango
Celack 475 m³/v-
SALT
Klita Serra do Moco, Bié azekexa (Angola)
Artexo Biriskaf bost
Kovoapa   Cuito, Cuchi, Cuebe
TAWAVO
Patecta Angola, Namibia, Botswana

Okavango bost ( okon portugalavon Cubango ) sotir bareaf bost ke Geefa Afrika emon gu abrotce vas 1600 km-.

Inafa klita poke Huambo widava moe Bié azekexa koe Angola sotigir. Genir aze va jowaki kene Namibia tadler aze koonir aze va salt ko Botswana jiadar.

Okavango tir biriskaf bost nume va welfa somekalnir ; inaf salt va riskapa vas 15 000 km² koe Kalahari letaxo tazukar liz griawir.

Riska tir dem ewalafa is nariltafa is uzdakafa gelawa. Dile bak lanyona tanda edje cel tir gronaf, tani lavaki va Ngami uzda artnir edje ari lavakimi va Zambezi koo Magwekwana kovoama vakorkiron artnir.

Bostxopo ke Okavango

Tumtaxo ta sulem[edit]

Riska tir cugunayakafa gola dem yon vedeyaf gerd ta sulemafi bli nume va govitafa apta jontikote bravar. Jontika zveriinda isu moukdunol isu kabay isu perake isu ruxa blid.

Kotviele remi rodugal riska illaumar, wali alubeakast is saneaksat, mon 200 000 sulemap siudad : fuzol is krapol is kraimol is uzekol is eyundol is rayol is beicekol ikz-.

Afigasuteksafa ginsa[edit]

Okavango kuksa koe weda ke Caprivi vema koe valentefa Botswana
Cuito kuksa talton artnisa va Okavango bost
LocationAngola.png
Voa ke Angola
DandeInkisiKasaiKuneneKwaleKwandoKwangoKwanzaKwengeKwiluLungwebunguLwiOkavangoTshikapaZambezi