Wp/avk/Neonila Salova

From Wikimedia Incubator
< Wp‎ | avkWp > avk > Neonila Salova
Jump to navigation Jump to search
Neonila Salova
1860-1941
Rossiaf artowasik

Neonila Mixailovna Salova ( rossiavon Неонила Михайловна Салова ) tiyir rossiaf artowasik. Koe Noviye Tcecuyki ke Tcernigiv bowexo ke savsafo rossiafo gindaxo bak saneaksat ke 1860 kobliyir. Bak 1941 koe Tcita awalkeyer.

Blirizva

Neonila bak saneaksat ke 1860 koe Noviye Tcecuyki kazakafa wida koe Mglin utca ke Tcernigiv gindafo bowexo koblir, vey oluafa yasa. Kali 1877 koe sardikyafa olda ke Tcernigiv vayar aze va ravera ebon gu selas pomasik koe Sankt Peterburg raplekur. Va artowasa anameda vanfir.

Va sayudasik ke Narodnaya Volya tis bewik ke skusa neda dum Sofia Perovskaya is Maria Olovennikova is Vera Figner, ik va Aleksandr Kvyatkovski blodik va dodelikaf grustaks. Van dodelik galbedur. Bak idulugal ke 1880 va Narodnaya Volya is inaf kotlaf grustaks yoter. Van jotaf vayasikeem sayudar.

Bak 1881 gu selas pomasik zo dobar. Bak 1882 ko Xarkiv az Odesa lapir. Tir tan winkaf andik ke pako. Tici saneaksat ke 1882 vuidanon gan Vera Figner ko Swiza lapir enide va kotgrupaf artowas divblinik kevlanir.

Va aba ke Narodnaya Volya ke 1884 koe Paris paker nume gu ristulafa tuzda zo libur. Bak bareaksat ke mil ilanacek do Herman Lopatin is Vasili Suxomlin ko Rossia dimlapir.

Neonila Salova ba 06/10/1884 zo soper. Va tanda is acku koe Petropavlovskya ralma ke Sankt Peterburg tiskir aze ko abdarafe dagixe zo arburer. Bak teveaksat ke 1887 bal Jiz ke 21 zo komalyer. Zo xonukalanzar aze gakera gu xaltafa tolsanda zo nuner. Ko Ust-Kara koe Sibira zo stakser. Bak 1892 den nuyafi soli zo arburer aze tere bak 1898 va Tcita koirubar.

Bak rossiafa Artowara ke 1905 koe Tcita tigir. Bak 1906 ik 1907 tir bewik ke lizukafa neda ke Seltevafo Artowaso Pako. Bak artowara ke 1917 koe Sumefa Roneka tigir aze koe Poltava koe Ukraina dimon blir. Va namio isti 1920-e sanda suter.

Tir kosafa gu stalinevafa moristara nume bak 1935 gan NKVD ardial gire zo soper. Bak 1941 koe Tcita awalker.

Vuestexeem

  • (ru) Vera Figner, Из политической жизни 80-х годов, koe Издательство Всесоюзного Общества политкаторжан и ссыльнопоселенцев,‎ 1932, p. 331-350
  • (en) Anna Hillyar is Jane McDermid, Revolutionary Women in Russia, 1870-1917, Manchester University Press, 2000, ISBN 9780719048388
  • (ru) Neonila Salova, mIvizva
  • (ru) Salova, Автобиография, koe Деятели СССР и революционного движения в России. Энциклопедический словарь Гранат, Moskva, Советская энциклопедия,‎ 1989, p. 211-221

Neonila Salova

Neonila Salova

 Koblira  10/1860,
 NoviyeTcecuyki, Tcernigiv winka, Ukraina
 Awalkera  ? 1941,
 Tcita, Rossia
 Vedeyot  Rossia
 Tegira  Galbedus artowasik is selaropik
  Bifa 
P Parthenon 2.svg  Tuveli icde Izvopa  P Parthenon 2.svg
Xe ke Kara xalta, 1891
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc