Wp/avk/Mandarin nudol (Aix galericulata)

From Wikimedia Incubator
< Wp‎ | avkWp > avk > Mandarin nudol (Aix galericulata)
Jump to navigation Jump to search
Mandarin nudol
Aix galericulata
blisa katca / zveri
Mandarin.duck.arp.jpg
giltafa pulara
Bliind   Animalia
Dansok Chordata
Pula Aves
Veem Anseriformes
Yasa Anatidae
oxi
Aix
-
katca
Aix galericulata
Linnaeus, 1758
kira
Abrotce   40-50 cm-
Wiltade - cm-
Ault -
Aldo 650 g-
Sinka fay ik enga ik beza ik lesko ik kabayam


Tigira ke katca koe tamava

Mandarin nudolAix galericulata is siniavon 鴛鴦 ) tir katca ke Anatidae yasapa, xantafa gu Lenteronefa Asia.

Tir tan kruldes nudol losposaf gu listuca is kuluca ke bruxeem ke nudolye is glabuca is opeluca ke bruxeem ke nudolya. Uka ke nudolyef bruxeem va sizuntase kramteuke moe bruxa keve zarevoeem is berga nedir, ton jagilekoracapa keve krileem. Taka tir dem jontika kerafa is kusafa bruxa dem vokodakoraf batakaf nok kene berga. Va oralam vas kerapafa uka dir. Ast tir randes faltaf, eliweem tir flemaf is batakamaf ; ault tir opaf kusaf is batakaf. Bene wilteem rigubakorafa lerkafa bruxapa divetir. Luxe nudolya, bruxeem tir lukoptaberetraf dem batakafa conya valeve larida is poke iteem, is dem eliweem kretson gu batake is orikaf wilteem.

Atoara bak imwugal gisokir ; nudolya va mon sanoyo ato koe begama jadion senuyuna koe betsava ke aal gicwar.

Koe Sinia is Korea, bati zveri tir leva va etorkafa vaduluca is saguca ; nudolye is nudolya belcon dun zavzagid. Lekeon glupon tigis koe Sinia is Nipona is Rossia, Mandarin nudol remi darefa toloya decemda gan divburera is basaalara zo dratceyer.

Malestura[edit]

Malestura ke Mandarin nudol kare cadim arapeniwer. Remi muvugal is fentugal, va perse is fay lokon giraweyar. Bak imwugal, va beza is benev is kabay is lavafa ruxa gubeon malestur. Idulugalon, va lesko is kabayam is salma is tulwadunol is perakeme nelkon malestur.

Irubaxo[edit]

Mandarin nudol koe aalafa is lavaxokirafa gola giblir.

Afigasuteks[edit]

Notraca[edit]

Pulasa vuestexa is klita[edit]

  • (en) vuest- : Alan P. Peterson : Aix galericulata is Anseriformes
  • (en) vuest- : Animal Diversity Web : Aix galericulata
  • (fr+en) vuest- : Avibase : Aix galericulata
  • (en) vuest- : Catalogue of Life : Aix galericulata (Linnaeus, 1758)
  • (en) vuest- : Walvedeyafa Zveriopafa Aba : Aix galericulata is Anseriformes
  • (fr) vuest- : DORIS : espèce Aix galericulata
  • (fr) vuest- : Oiseaux.net : Aix galericulata
  • (fr) vuest- : INPN : Aix galericulata (Linnaeus, 1758)
  • (fr+en) vuest- : ITIS : Aix galericulata (Linnaeus, 1758)
  • (en) vuest- : Fauna Europaea : Aix galericulata
  • (en) vuest- : NCBI : Aix galericulata
  • (en) vuest- : Tree of Life Web Project : Aix galericulata
  • (en) vuest- : UICN : Aix galericulata (Linnaeus, 1758)
  • (en) vuest- : World Register of Marine Species : Aix galericulata (Linnaeus, 1758)

Ara vuestexa[edit]