Wp/avk/Magdalenenberg tcarma

From Wikimedia Incubator
< Wp‎ | avkWp > avk > Magdalenenberg tcarma
Jump to navigation Jump to search

Magdalenenberg tcarma tir sersafa naboxa ke Azilugal tigisa koe Schwartzwald gola koe Germana. Dem krotc vas 33000 m3 is xakola vas 102 m- is refe ontine vas 6.60 m-, tir telo logijafa tcarma ke Halstatt araya. Bak Mialukugal, amuda ektunafa gu Maria Magdalena tumtikya ticeon zo vegeduyur nume va yolt ( Venta ke Magdalena ) di ziliyir. Eze 4 km- xim ke keltafa wida moe Kapf velk vamoe artexo ke Kirnach kuksa isu Brigach zo kosmayad. Bana wida wali -600 is -550 anton zo kereleyer kiren azilaf rob kalion zo puskeyed.

Tcarma

Tcarma ontineon ice 740 m- tigir isen 140 naboxa anameon ape tigiyid, don 126 zo rofenkuyud. 131 korik zo kotawayad isen 8 zo tuguboyayad. Tcarma bak 1890 taneatomon zo gamedayar voxen pokolena jwa ixam al griawiyir. Kaljoxara bak 1970-1973 gan Konrad Spindler zo skuyur. Caxafa mawa kum inta ( 8 × 6.5 m- ) idjon ice tcarma al videwenyeyer kire tiyir kotrafa gu lava. Kan ivayevlopa gu -616 zo evlayar. Elakesik arti 37 tanda al kolaniyid inde intagaba evlayana kan mila nuva slamer.

Nelkaf kosmaks tir berta kum inta zanudayasa va burera va sersik. Povi ke bulol ton firviks is tcatak ( dem olkoy ta oblaka is vitoda is lukast ) dere zo katrasiyid. Trasiyina tcata is caxafa mawa koe tcila ke Villingen re zo konedid.

Eribaf bergak
Gerga
Tipokesiki is vitodasiki

Vuestexa

  • (de) Konrad Spindler : Magdalenenberg, Der hallstattzeitliche Fürstengrabhügel bei Villingen im Schwarzwald, Neckar-Verlag, Villingen, 6 karba sanegayana wali 1971 is 1980. ISBN 3-7883-0817-6, ISBN 3-7883-0818-4, ISBN 3-7883-0819-2.
  • (de) Konrad Spindler : Der Magdalenenberg bei Villingen, Ein Fürstengrabhügel des 6. vorchristlichen Jahrhunderts, Führer zu vor- und frühgeschichtlichen Denkmälern in Baden-Württemberg, 112 bu, Vol. 5, Theiss-Verlag, 1976. ISBN 3-8062-1381-X.
  • (de) Allard Mees : Der Sternenhimmel vom Magdalenenberg. Das Fürstengrab bei Villingen-Schwenningen – ein Kalenderwerk der Hallstattzeit, 47 bu, Römisch-Germanisches Zentralmuseum, Mainz, 2011.

Magdalenenberg tcarma
Rawopaf debak
Magdalenenberg tcarma
DEBALA
Patecta Germana   Flag of Germany.svg     
Galdolk Baden-Württemberg
Tigixo Villingen-Schwenningen
Maneka OOjs UI icon mapPin-progressive.svg 48° 02′ 39" L-, 8° 26′ 37" R-
KIRA
Araya Halstatt
Evlara ≈ 616 AGJ
P Parthenon 2.svg  Tuveli icde Izvopa  P Parthenon 2.svg
Caxafa mawa koe tcilaxe ke Villingen