Wp/avk/Mafia

From Wikimedia Incubator
< Wp‎ | avkWp > avk > Mafia
Jump to navigation Jump to search
Mafia
ewala
Tanzania Mafia district wards map.png
TAWAVOPA
Ord Tadavafa ewala
Debala India Welfa
Maneka    07°51 G-, 39°47 R-
Tursia Zanzibar
Welma   394 km²
Abrotce 47 km-  ( mant- : 17 km- )
Ontine m-  
RISTULA
Patecta Tanzania  Flag of Tanzania.svg  
Gola Pwani
SANELIOPA
Sanelia 48 000 ir- ( 2016 )
For 121,83 ir-/km²
Widava Kilindoni
Pemba ( geeon ) vanmiae Zanzibar tursia

Mafia ( swaxiliavon Kisiwa cha Mafia ) tir ewala ke Tanzania koe India Welfa, tisa ke Zanzibar tursia. Va Pwani gola rupter ise va tana inafa utca tadler.

Izva[edit]

Mali VIII-eafa decemda, mafia tir greelt mu persafa tota isen widava kolnayana moe pokefa Chole ewalama va mallapixo ta vestara va afrikafa tadava is malsavera va rob ( dilgava ke Zimbabwe ) is divburera zanudar. Bam ewala gu arabafa is persafa is swaxilifa turestara adre zo levgar.

Tawavopa[edit]

Nelkafa ewala ke Mafia tir vas 394 km² dem mon 40 000 irubasik, voxen utca tir vas 424 km². Konakara ewalama poke Mafia tigid isen konaka tid saneliakirafa, dum Chole dem 1500 irubasik. Kotak ke Mafia utca tiyir vas 40 801 irubasik ba otulara ke 2002.

Mafia tir abrotcamafa ewala. Ronefa krimta vane grocela tir rontackafa, solve taltefa vane Mafia vedil lente tadava tir loon volbelafa ton dega ( Ras Mbisi, Ras Kisimani ) is ceda is ewalama ( Mbarakuni, Sungi-Mbili, Bwejuu ) is tuwavaf molt nume va lok ke sanelia emuder. Ana valentefa evilma tir Ras Mkundi.

Geroneon, wale Mafia ewala isu Juani, Chole ceda tigir, i tuwavaf molt goles va grocela reme Kinasi remasti. Drakcanak is drakxo is xatoy kuvaf va ridafa estobara va geefa is taltefa krimta ke Mafia ewala kereled. Biraf gerd vas 822 km² bak 1995 zo reduyur. Va dervek is meila is drakxo is krimtaalxo is anoda dogiskir.

Skapa[edit]

Lok ke irubasikeem tir onasik, arak tir tawamidusik. Ewala dere tir debak ta ridafa estobara.

Severomo koe Kilindoni vatalte ewala tigir.

Sanelia[edit]

Sedme winugafa otulara ke 2002, kotafa sanelia ke Mafia utca tir vas 40 801 irubasik. Chole ewala tir dem 800 irubasik. Kilindoni kene taltefa krimta tir logijafa widava ke Mafia ( mon 12000 ir- bak 2002 ).

Ewala tir dem peroya ristulafa dota.

Dota Welma (km²) Sanelia (2002) Wida
Baleni 132,1 9137 Baleni, Kungwi, Ndagoni, Chunguruma
Jibondo 21,9 3405 Jibondo, Chole, Juani
Kanga 52,7 3317 Kanga, Bweni
Kilindoni 36,8 11696 Kilindoni, Dongo
Kirongwe 77,0 5260 Kirongwe, Jimbo, Banja, Jojo
Kiegeani 40,3 3379 Kiegani, Marimbani
Mibulani 52,3 4363 Miburani, Mlongo, Chemchem
Mafia ewala 413 40801 20 wida

Afigasuteks[edit]

LocationTanzania.png
Ewala ke Tanzania, Zanzibar tursia
KilwaMafiaPembaUnguja