Wp/avk/Lyudmila Terentyeva

From Wikimedia Incubator
< Wp‎ | avkWp > avk > Lyudmila Terentyeva
Jump to navigation Jump to search
Lyudmila Terentyeva
1862-1883
Rossiaf artowasik

Lyudmila Dementyeva Terentyeva ( rossiavon Людмила Дементьевна Терентьева ) tiyir rossiaf artowasik. Koe gola ke Xerson koe refa Ukraina vox savsafo rossiafo gindaxo bak 1862 kobliyir. Koe Sankt Peterburg bak 1883 awalkeyer.

Blirizva

Lyudmila Terentyeva koe yasa ke kulaf pirdotik tavesik ke vedeyafa olda kobliyir. Yasa tiyir pokefa gu artowas rieteem : tane berikye Mixail ko Kara xalta ta poana kobara zo rezgaleyer ; toleafe tise tavesik ko Kavkaza dere ristulon zo divbliyir. Batdume Lyudmila va kevbowerefa tegira waveon vilteyer.

Koe Mariinski ayikyafa olda ke Odesa vayayar. Bak 1878 zo dobayar. Azon va Narodnaya Volya grustaks denfiyir.

Bak 1879 do Rossikova is Yurkovski va fobara va koaykaxe ke Xerson paker. Bak diref ilanacek do Nikolay Kibaltcitc is Praskovya Ivanovskaya koe birgotafe rubiaxe ke pako kobar.

Ba 02/05/1881 koe Sankt Peterburg zo soper. Aze koe Petropavlovskaya ralma zo dagir. Gu Jiz va 20 ke Narodnaya Volya zo kojizar. Ba 15/02/1882 zo tugunar ise gu zelara va rokeem is poana kobara koe xalta bak tolsanda zo lanzar.

Ayikya lanzayana bak bat jiz, Lyudmila Terenyeva is Tatyana Lebedeva is Anna Yakimova ko Kara xalta koe Sibira zo gostakseyed. Soe Lyudmila Terentyeva koe Petropavlovskaya ralma bak 1883 levgon awalker.

« [...] L- Terentyeva yikya, i tan lanzanik ke jiz koe Odesa, levgon bulon awalkeyer. Dumede walton co zo jivayar, nope fixara va jiva ika selaxa. Wori nisu al exuled, i nisu ruyesu da kimtikya co zo boeyer aze zo jivayar enide gomilara di zo mastuyur. Tire, inafa awalkera gan ticefa rictaga ke ardial jontikedje zo gubirgayar isen meka kogrupara me zo sopuyur. Toloy selaropik va intafa runda videyed. »

— Sergey Kravtcinski Strepnyak pulvis va Lyudmila Terentyeva koe « Подпольная Россия », 1885.


Vuestexa

Lyudmila Terentyeva

Defaut avk.png

 Koblira  1862,
 Xerson winka, Ukraina
 Awalkera  1883,
 Sankt Peterburg, Rossia
 Vedeyot  Rossia
 Tegira  Grustas artowasik
  Bifa 
P Parthenon 2.svg  Tuveli icde Izvopa  P Parthenon 2.svg
Flint ke Petropavlovskaya ralma koe Sankt Peterburg|Kara, teni XIX-eafa decemda
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc