Wp/avk/Leporella (suterot)

From Wikimedia Incubator
< Wp‎ | avkWp > avk > Leporella (suterot)
Jump to navigation Jump to search
Leporella


Leporella tir berpotam ke Stefan Zweig, sanegayan koe Vuda larma ( Angst ) bak 1925. Inaf vergumvelt tir kro ke Leporello kwikye ke Don Giovanni koe kaleynaxa ke Mozart.

Rupa[edit]

Wien, titi XX-eafa decemda. Crescentia xantafa gu Ziller krant tir kwikya zanon gu tolonga dem xanton oluafe kurenikye erbiskafe is nazbeon dolekikafa kurenikya kulapafa. Kurera ke bat toloy olkik tir reniskafa numen debala ke exoma tir atcenafa. Luxeon Crescentia va kota batcoba moobrason remfir kire gan erba anton zo dandar, gan erba olegana jiadatason va blira megokobason.

Toza ke inafa blira gan isk dem muxana pestaka zo tcalar ( tulon, metan meviele va ina kipesa al wir ), neken konaka walpulvira do unesikye is inafa zdunagesa yordara bak gracara ke weltikya koyasa jupad da ina va blira toz grivuter. Puvegatason va unesikye, gorar da gu kurenikya vaon di grikter, voxen warzafe nyobrikye gan zanisikya batvielu zo tuaklar. Levvilana nope niga, ina tere kser.

Dere rupel[edit]

Leporella
XANTO
Vergumvelt Leporella
Sutesik Stefan Zweig
Ava Germanava
Suterotinda Berpotam
Evla 1925
betara teza
Bookshelf icon (red and blue).svg  Tuveli icde Suteroteem  Bookshelf icon (red and blue).svg