Wp/avk/Lautréamont

From Wikimedia Incubator
< Wp‎ | avkWp > avk > Lautréamont
Jump to navigation Jump to search
Lautréamont  ( okon Isidore Ducasse )
1846-1870
Francavaf ezlopik isu suterotik

Volgiltafi bali tenuwesi ba 24-da[edit]

Isidore Ducasse koe MontevideoUruguaya ) ba 04/04/1846 viel ke Isidoros Tumtik vey francafe gadkiye koblir. Bane ine tiyir gardik koe permaxo. Ko Franca bak 1859 lapir ta vayara, ko Tarbes reila az Pau olda lize in di tir koeik. Azon ko Paris mallapir enide va « Ecole Polytechnique » di egar. Tison 22-daf, kan Lautréamont Biptik ikayolt, va taneaf Chants de Maldoror, va volwina ezlavedaxa, dodeson sanegar ( 8-aksat 1868 ). Bak idulugal ke 1869 kotrafa karba di zo sanegar. Azon, in gu Poésies vergumvelt, va toloyi nevaki ke abdueneva dere sanegar, ke abdueneva ta enidafa vox meviele sutetena neva. Nope kotcakola bak 1870 koe Paris mulufter. Inaf grabom gan kaikgeltrevikeem di zo ilamsisker. Dum noapaf muxaks va pestakevafa gripokolesuca isu boluca batvielon awir.

Piskura ke 1868, Tel taneaf dank ke Maldoror

Maldoror tel gripokolenik[edit]

Rune Chants, Maldoror, gradilik kaatoen kan ayafa laviaca, va copaceem is polas is tisikopaf bibeeem ke redusik viwazer. Tove min awir "zwaf is gebiaf is forteyajkiraf is ton gebiaf art is vozes". Inafa cugafa gwinuca gan in locuynon askir da in wir va mejesuca ke ayikeem is gejeem is akoleem alokon apkas. Tison poiskaf lente ayafolva, gripokolewer aze kev Lorik va tizuca basrodar.

Maldoror tel bolatizik[edit]

Maldoror bam vanpir kustoleca. Jontazukaf tisik, in va int artazukar ton kiiz ik kancey ik grokjaxok ik ebeltaf loror. Dum sulem ke Tamavatena, va tamava koolanir ise va tawavaxo inafu jaxadasa tizuca tolgenir. Tacuke ko nyabuca ik yon pulvipiks kalaotcewer. Yatkafa oviskuca va yon blayak isu food koakolar ise kotnoelaf rotapstan gradilik batlize tir ta va eaftaf dakteks ke taneaf dank yunker, va : "Jin, askí enide va lingera va sutkaceem ke udutuca norluca zanudar".

Lautréamont
(Isidore Ducasse)

Lautréamont (Isidore Ducasse)

 Blira 1846-1870
 Ava Francava
 Suterind Ezlopa
  Suterot 
Bookshelf icon (red and blue).svg  Tuveli icde Suteroteem  Bookshelf icon (red and blue).svg