Wp/avk/Kudjotya ke Savignano

From Wikimedia Incubator
< Wp‎ | avkWp > avk > Kudjotya ke Savignano
Jump to navigation Jump to search

Kudjotya ke Savignano tir steatite nibaluindaf kudjot trasiyin koe Italia. Evlon gu Jotaf LekeraporugalGravette Sare, 22 000 ik 29 000 AR tanda ).

Kudjotya ke Savignano, liotaf wiks

Kosmara[edit]

Kudjotya ke Savignanon bak 1925 zo kosmayar, katceton gu vegedusa kobara poke Savignano sul Panaro wida, koe Modene winka ke Italia.

Kudjotya arte 1 m- koe sid tigiyir, koe buxaki, voxen meka dofa ra ronovevlayar. Inafa klaa zo atatcepeyer. Lantan va gelkeraporugalaca tiaveyed voxen martigafa dolunera gu aryona grupena kudjotya va losavsafa klaa ke Jotaf Lekeraporugal di tentuyur. Tire, bata kudjama va jontika milaca tove kudjotya ke Gravette Sare ( moni 29 000 ik 22 000 AR tanda ) nedir. Ostik zavzaks ke raporafa raba ke Gravette Sare koe gole dere zo trasiyid.

Pimtara[edit]

Bata kudjama tir tan logijaf lekeraporugalaf balumaks ke bat ord larde tir ontinafa gu 22.5 cm- is mantafa gu 5 cm- is vafa gu 6.5 cm-, ise va aldo vas 586.5 g- dir. Vexa vas lentafa dotolmiluca zo tarkar.

Inafa welma kotron zo nirayar ise va poldeks konaklize nedir. Ticefa otsa tir tazukafa gu abrotcafa relida divrozasa va dulkotesikafa eresta. Abrotcafa xufa stona vwon ice tec lesay tigir. Java lyon ice mila bergiskafa relida tigir. Meem tir lordeyen ise va moupueem nuvaltogir. Jivot tir pinaf vox walzaf, isen welzeem dere, isen penayeem wexayer. Titefa ekwa dere tir uulafa. Nope man tazuk is konak big, trakut da kudjot rotir gitiyir kougayan koe sid.

Dere rupec[edit]

Vuestexa[edit]

  • H. Delporte, L’image de la femme dans l’art préhistorique, Éd. Picard (1993) ISBN 2-7084-0440-7

Kudjotya ke Savignano
Savignano face.jpg
KOSMARA
Kosmaxo Savignano sul Panaro
Italia   Flag of Italy.svg
Maneka 44°29′ L-, 11°02′ R-
EVLARA
Sare Gravette Sare
Evla 22 000 ik 29 000 AR tanda
KIRA
Gije 22.50 cm-


Lekeraporugalafa kudjotya
Gravette Sare Kudjotya ke VogelherdKudjotya ke SavignanoKudjotya ke KostyonkiKudjotya ke MoravanyKudjotya ke RenancourtKudjotya ke BrassempouyKudjotya ke WillendorfKudjotya ke LespugueKudjotya ke LausselKudjotya ke Dolní Věstonice
Aurignac Sare Kudjotya ke GalgenbergKudjotya ke Hohle Fels