Wp/avk/Kudjotya ke Renancourt

From Wikimedia Incubator
< Wp‎ | avkWp > avk > Kudjotya ke Renancourt
Jump to navigation Jump to search

Kudjotya ke Renancourt tir afoltaf kudjot. Evlon gu Jotaf LekeraporugalGravette Sare, 22 000-29 000 AR tanda ).

Kosmara[edit]

Zuvdama dem kalkeki bak pereaksat ke 2014 moe joxana pradja tigisa koe Renancourt revava vagetalte Amiens valente Franca zo kosmayar.

Bak Lekeraporugal debak ke Renancourt tiyir tcabanesikafo pemaxo. Amidafa muka zo jovleyed :

  • fruktifa muka : tcabanesa mimadjootsa is wed is fasiasiki ;
  • niska is niskaki ke malestuyun okol ;
  • ingaxaki : remruyuni afoltafi anamkuri.

Kan mon tol-sanoy kalkaf stogoyeks, rawopik va ayikyaf kudjot dimvilayad, i va lekeraporugalafa kudjotya ontinafa gu 12 cm-. Ina tite 4 m- leve welma ke noeltaf sid. Tapafa dura va inafa stogoyewera nekiyid nume pebuckud.

Abdiizvugalafa kudjotya[edit]

Arti dimvilara, kudjot va sivakikya ( bro loa abdiizvugalafa kudjotya ) kaatoer. Gamiaf moueem keve jivot kaluber. Penayeem tir walzapaf dum radimon impan. Tir pwertapaf is mantaf.

Bro jontika kudjotya, kudjot va katcalapaf ikraf pilkovoyeem dir solve beweem is gexata anton tid lordeks. Sedme abdiizvopik, « Bat kudjotam va lecafa muxara va ayikya is va pilkovon nazbukuca ».

Kudjot me tir varaf : tanoyi ki ke ronef titak me tir. Katrasiyin ton 18 ki, kudjot nope tapara rotir biwe roidaweyer.

Elimafa evlara[edit]

Evlasa nuva kan 14-e beba va elimara va sare noveyer viele bata re sposafa Kudjotya ke Renancourt zo balumayar. Gemelt teni araya ke Gravette Sare wali -29 000 AR isu -21 000 tir, uldineson evlackon gu -23 000. Banugale banlize, to Homo Sapiens ayik va bata kudjotya is fruktiki gririlayar.

Kosmara tawavopon meordafa[edit]

Sedme abdiizvopik, kosmara tir cugunayakafa kiren kudjot tir tela taneafa kudjotya trasiyina valente Franca. Mon 244 kudjotya batvieli zo otulayad, i kudjotya nelkon trasiyina vagetalte Franca ( Aquitaine gola isu Périgord ) ok koe Ostera ok Germana ok Sibira. Weti 23 000 tanda, bak tapaf firday, Picardie gola leve nolda tigiyir, sedme sazopik va abdiizvugal.

Sedme kosmayas abdiizvopik, tcabanesik ke Lekeraporugal va zixama ke tukiewotawesa lidawicka ape impavantayad nume di lentlaniyid. Bat tcabanesik gilillaniyid ise lanipiyid. Fruktiki trasiyini moe joxana pradja ke Vatalteka isu ingaxa nedid da va 200 ik 300 km- gilexuleyed.

Dere rupec[edit]

Vuestexa[edit]

Kudjotya ke Renancourt
[[File:|border|300px]]
KOSMARA
Kosmaxo Renancourt, Amiens
Franca   Flag of France.svg
Maneka 49°53′ L-, 2°17′ R-
EVLARA
Sare Gravette Sare
Evla 23 000 AR tanda
KIRA
Gije 12.00 cm-


Lekeraporugalafa kudjotya
Gravette Sare Kudjotya ke VogelherdKudjotya ke SavignanoKudjotya ke KostyonkiKudjotya ke MoravanyKudjotya ke RenancourtKudjotya ke BrassempouyKudjotya ke WillendorfKudjotya ke LespugueKudjotya ke LausselKudjotya ke Dolní Věstonice
Aurignac Sare Kudjotya ke GalgenbergKudjotya ke Hohle Fels