Wp/avk/Kudjotya ke Moravany

From Wikimedia Incubator
< Wp‎ | avkWp > avk > Kudjotya ke Moravany
Jump to navigation Jump to search

Kudjotya ke Moravany tir lekeugalafa kudjotya evlon gu Gravette Sare ( moni 23 000 AR tanda ). Koe debak koe Moravany nad Váhom ke Slovenska zo kosmayar.

Pimtara[edit]

Bata kudjama ontinafa gu 7.5 cm- kum wula ke melmakolafa talgava zo balumayar aze tuseriaweyer. Va ranyesa lebafa ayikya kaatoer. Taka is titak ke nimateem tid enja, is dere meem. Moueem tid walzaf, kafkeem mantaf is jivot walziaf. Vurko dikuon krulder, is dere ikra.

Evlara[edit]

Rawopafa orka ke kudjot tir megrupena. In gu uldinera vas mon 23000 [1] AR tanda zo evlar. Inafa rawopafa rekola tir Gravette Sare. Inafo kosmaxo tir Podkovica debak, koe Moravany nad Váhom dota ke Slovenska. Bata va jontiki rawopafi vruni ke Jotaf Lekeraporugal al modafur.

Izvot ke kosmara[edit]

Bak 1959, Juraj Bárta rawopik va twa ke 15 saneaksat ke 1958 ozwar lize Lothar Zotz ar rawopik konekviele joxayas va debak ke Moravany nad Váhom, va kudjot urlickeyen bak Toleafa Tamavageja divrozar. [2] Etrakayason va gariuca ke kudjama, Lothar Zotz va kosmaks me pulviyir aze pu Henri Breuil ko Paris soe di stakseyer, i pu aptacik va abdiizvugalafa yamba. Bantan di malyedayar da ina tickiyir lekeraporugalafa.

Bak 1967, opafa vayara skuna gan Florian Heller ceskaf bliopik isu guazasulemopik va gariuca ke muka zolter, larde wula zo ilbodeyer abdida tuseriaweyer. Diretandon, bata vayara is twa ke Lothar Zotz icde kudjot zo tusanegayad. [3]

Dere rupec[edit]

Vuestexa[edit]

Kudjotya ke Moravany
Moravianska venusa.jpg
KOSMARA
Kosmaxo Podkovica, Moravany_nad_Váhom
Slovenska   Flag of Slovakia.svg
Maneka 48°36′ L-, 17°51′ R-
EVLARA
Sare Gravette Sare
Evla 22 800 AR tanda
KIRA
Gije 7.5 cm-


Lekeraporugalafa kudjotya
Gravette Sare Kudjotya ke VogelherdKudjotya ke SavignanoKudjotya ke KostyonkiKudjotya ke MoravanyKudjotya ke RenancourtKudjotya ke BrassempouyKudjotya ke WillendorfKudjotya ke LespugueKudjotya ke LausselKudjotya ke Dolní Věstonice
Aurignac Sare Kudjotya ke GalgenbergKudjotya ke Hohle Fels
  1. Evlara kan Beba14 ( http://cestovanie.pravda.sk/ostatne/clanok/5122-navstivte-venusu-lovcov-mamutov/ ), vas 22800 AR tanda ( http://donsmaps.com/moravanyvenus.html ). Evlara batkane va waluk lodam evlacka sobazer, isen klita icde bat uum tid amidamafa, tulon -20000 ik -22000 ke firdayack ( http://www.visual-arts-cork.com/prehistoric/venus-of-moravany.htm#moravany ).
  2. Juraj Bárta, teliz Plastika Vénuse Na Zapadnom Slovendzku, koe Archeologické rozhledy virda, Praha, 1959, volume XI, pp 874-875, rorupen den http://kramerius.lib.cas.cz - divokseks ke teliz icde kosmara va kudjama kalenglavayan gan Pavel Dvořák, Venus of Moravany, 2006, p 24, PDF siatos : http://www.moravany.sk/e_download.php?file=data/editor/16sk_2.pdf&original=Venus_of_Moravany.pdf
  3. Fl. Heller Die Venusstatuette von Moravany in naturwissenschftlicher Sich, Slovenska Archeologia virda, k- XVI-1,1968, p. 15 - Lothar F. Zotz, Die Venusstatuette von Moravany Nad Vahom ibid, p 5 - rorupen PDF siatos : http://www.cevnad.sav.sk/aktivita_1_1/slovenska_archeologia_1968_1.pdf