Wp/avk/Kudjotya ke Lespugue

From Wikimedia Incubator
< Wp‎ | avkWp > avk > Kudjotya ke Lespugue
Jump to navigation Jump to search

Kudjotya ke Lespugue tir wulaf kudjot is tan losposaf ayikyaf kaatoeks ke Abdiizvugal, evlon gu Jotaf Lekeraporugal.

Rawopafa orka[edit]

Ba 09/08/1922 gan René de Saint-Périer koe Rideaux arula tisa betsava koe Save krantoza koe Lespugue dota, zo kosmayar. Joxara ten zo tenuyur viele bocafa trera va kudjot ve koafizayar voxe dere kidapayar. Voldum aryon gundaf skuks, bat in kou elimafa rawopafa orka zo kosmayar : raporafa is niskafa raba ke inafa tigira tir ke Gravette Sare ( luzikasiki ke Noailles, kuboykirafa zmintotsa, tugasitasiki, niskadaf mard ). Istife Gravette Sare ke Noailles tir evlon gu -26 000 AR tanda.

Pimtara[edit]

Kudjot tir kum melmakolafa wula. Arbeyen ba kosmara, inaf lum radimi dimjoara tid ontine vas 147 mm- is mante vas 60 mm- is pwerte vas 36 mm-.

Jadif tazuk va martigafa lova tudenayana gan André Leroi-Gourhan vadjer : moueem is jivot is kafkeem koe ivamu tigid lize anameon riguba va taka is nimateem kodoplekur. Dotolmilafa lova zo tarkayar.

Taka tir pinafa is atokorafa, a altofa pinta. Tir dem gretcayana conya loleon vakenefa remtrakuna wetce volara va usuk. Moueem is penayeem tid granapaf is riwe pozkoraf. Kot nimat tir trelaf is tenaf gu remgudayan nuga.

Keve radimak, enk dem vakenefa abrotcafa umica male zidafa conya leve penayeem tozuwer. Bata kira va jontika remtrakura al mukad, tulon vuestesa va vage, i va taciinda.

Dere rupec[edit]

Vuestexa[edit]

  • H. Delporte, L’image de la femme dans l’art préhistorique, Éd. Picard, 1993 (ISBN 2-7084-0440-7).
  • C. Cohen, La femme des origines - images de la femme dans la Préhistoire occidentale, Belin, Herscher, 2003 (ISBN 2-7335-0336-7).
  • N. Rouquerol, La vénus de Lespugue révélée, Ed. Locus solus, 2018 (ISBN 978-2-36833-210-8)

Kudjotya ke Lespugue
Venus de Lespugue (replica).jpg
KOSMARA
Kosmaxo Lespugue
Franca   Flag of France.svg
Maneka 43°14′ L-, 0°40′ R-
EVLARA
Sare Gravette Sare
Evla 25 000 AR tanda
KIRA
Gije 15 cm-


Lekeraporugalafa kudjotya
Gravette Sare Kudjotya ke VogelherdKudjotya ke SavignanoKudjotya ke KostyonkiKudjotya ke MoravanyKudjotya ke RenancourtKudjotya ke BrassempouyKudjotya ke WillendorfKudjotya ke LespugueKudjotya ke LausselKudjotya ke Dolní Věstonice
Aurignac Sare Kudjotya ke GalgenbergKudjotya ke Hohle Fels