Wp/avk/Krapolik (balumaks)

From Wikimedia Incubator
< Wp‎ | avkWp > avk > Krapolik (balumaks)
Jump to navigation Jump to search

Krapolik tir balumaks kum melmakolafa wula, ontinafa gu 29.6 cm-. Inafa evla tir bak Aurignac Sare ( Guazaf Lekeraporugal ). Bat balumaks va ayalto dem krapolkorafa taka, i dem elimon taka ke arulaf krapol kaatoer. Tir tan losavsaf re grupen.

Izvot[edit]

Inafi ki bak 1939 koe Hohlenstein-Stadel arula ( Baden-Württemberg, Germana ) gan Robert Wetzel is Otto Völzing zo kosmayad. Voxe arti barsanda kaiki Toleafa Tamavageja oxam di zo vayayad. Balumaks bak 1988 di zo dimempayar.

Inafa klaa vas 32 000 AR tanda bam zo uldineyer. Taneafa zoltera va ayikye bazeyer, azen askisik ika ayikya rietaruyud. Voxen gubef isk ke yinaxol ke arulaf krapol koe abdiizvugalaf kaatoeks va remtrakura tumedrikar. Mek aptik ke arulaf krapol va yinaxol co diyir. Peroya zidafa is lanibelcafa conyeta keve taltema zo balumayad.

Bak 2010 is 2011 joxara rune arula va tigira ke aryoni ki ke kudjot al razdad aze va warzafa evlara vas 40 000 AR tanda al noveyed. Inafa dimempara bak 2013 zo tenukeyer. Balumaks dimempayan male 300 stogoyeks kum melmakolafa wula re tir lewe kotraf.

Kudjot ke Krapolik dimempayan, liotaf wiks

Remgrupera is gundafa kosmara[edit]

Remgrupera va kudjot tir wavdafa. Konaka vekta do lanyon francaf pistaf lingeks dere nedis va gamdarulaf tisik ( tulon koe Chauvet arula ) tid. Soe ban tid loon jotaf gu konaka decitda.

Gundaf balumaks lopinaf vox dere kaatoes va krapolik do aryon kudjot vas sulem is tanoya kudjotya koe Hohle Fels arula koe mila gola zo kosmayar. Evlon gu 40 000 ik 35 000 AR tanda, ban kudjot tid ke Aurignac araya milugalafa gu artlanira ke witaf ayik ko Europa runi Guazaf Lekeraporugal.

Rotir krapolik koe vundopa ke ayikeem banugale co yordapayar.

Kudjot ke Krapolik koe tcilaxe ke Ulm ( Germana ) re zo wonar.

Vuestexa[edit]

  • Jill Cook. Ice Age Art: the Arrival of the Modern Mind. British Museum Press, London 2013, ISBN 978-0-7141-2333-2.
  • Nicole Ebinger-Rist, Claus-Joachim Kind, Sibylle Wolf, Kurt Wehrberger. Der Löwenmensch bekommt ein neues Gesicht. Auffindung und Restaurierung der Elfenbeinstatuette aus der Stadel-Höhle im Hohlenstein. In: Denkmalpflege in Baden-Württemberg. 42. Jahrgang, Heft 4, 2013, S. 194–200.
  • H. Müller-Beck, N. J. Conard, W. Schürle (Hrsg.). Eiszeitkunst, Anfänge der Kunst. Theiss, ISBN 3-8062-1674-6.
  • Nicholas J. Conard. Vorsprung durch Kunst: Das Glück der neuen Menschen. Neandertaler wären, könnten wir sie treffen, fremd. Nicht wegen ihres Äußeren, sondern weil ihre Kultur und Kommunikation anders waren. In: Frankfurter Allgemeine Zeitung, Natur und Wissenschaft, Mittwoch, 8. Februar 2017, Nr. 33, S. N2.
  • Ulmer Museum (Hrsg.). Der Löwenmensch. Tier und Mensch in der Kunst der Eiszeit. Begleitband zur Ausstellung (1994).
  • Ulmer Museum (Hrsg.). Die Rückkehr des Löwenmenschen – Geschichte Mythos Magie. Ulm 2013, ISBN 978-3-7995-0542-0.
  • Claus-Joachim Kind, Nicole Ebinger-Rist, Sibylle Wolf, Thomas Beutelspacher, Kurt Wehrberger. The Smile of the Lion Man. Recent Excavations in Stadel Cave (Baden-Württemberg, south-western Germany) and the Restoration of the Famous Upper Palaeolithic Figurine. In : Quartär. Internationales Jahrbuch zur Erforschung des Eiszeitalters und der Steinzeit. Nr. 61, 2014, S. 129–145

Dere rupec[edit]

Krapolik
Loewenmensch1.jpg
KOSMARA
Kosmaxo Hohlenstein-Stadel arula, Lonetal
Germana   Flag of Germany.svg
Maneka 48° 32′ L-, 10° 10′ R-
EVLARA
Rekola Guazaf Lekeraporugal
Sare Aurignac Sare
Evla 40 000 AR tanda
KIRA
Yamba balumara
Mukord kudjot
Ugot melmakolafa wula
Gije 19.6 cm-
Refo tigixo Tcilaxe ke Ulm, Germana