Wp/avk/Koxawanikya (suterot)

From Wikimedia Incubator
< Wp‎ | avkWp > avk > Koxawanikya (suterot)
Jump to navigation Jump to search
Koxawanikya


Koxawanikya tir tan toloy zolonaf berpot ke María Luisa Bombal, sanegayan bak 1938.

Askisikya ke Koxawanikya su awalker viele rupa tozuwer ; voxen bak miel edje ware tir koxawayana vamoe ilava, inaf iteem fenkuwer numen, teka artan vofad, pune ina va coba pokeon dilizesa wir. Wira va kot korik woras va setikeks ke inaf darekeugal kimbar milinde sinafa wira va awalkikya askir. Acum male inyon setikeks is telyon ke pokeik, va taneafe kempanikye bak sardugal, is va gadikye, is va nazbeikeem, is va berya... rupa va int layer vieli askisikya ixam levgayasa va awalkera ke blisik pune va toleaf awalk jugemer : i va awalk ke awalkik. Batcoba tir spuesisa rupa, dem brugey is volacagina jugemera edje tuwidlasa vula me gracawed.

« Aze pestaler da banliz teniskon fansilon zo titosiper ; dumede sin va sid ke watia co al suxad ise to gu koepak ke tawava co di djukukowundad. »
« Y he aquí que se siente precipitada hacia abajo, precipitada vertiginosamente durante un tiempo ilimitado hacia abajo; como si hubieran cavado el fondo de la cripta y pretendieran sepultarla en las entrañas mismas de la tierra. »

— María Luisa Bombal, divokseks ke Koxawanikya.


Bata rupa gu Izva ke María Griselda arnazbeya ke Koxawanikya negana gan bana ina zo tuvarayar : brazanikya nope cugunaykafa listuca ko sumef geekaf pilkot gan kurenik mejeteson zo stanjur. Koe kotbata rupa, cugunaykaf delt va koredikya jontikviele lyumasa wal klokura is geltrura tudenad. To ayikya loviele mevangrupena tid dem koefa blira kulafa ise va koncoba meropimtana onkad, i va koncoba presafa dace kaikfisa va dalintafa jiluca ; i to ayikya va nuyuca is ayikyafa gropa lakevrojud neke gan kotcoba anameon tigisa zo ripindad.

Dere rupel

Koxawanikya
XANTO
Vergumvelt La amortajada
Sutesik María Luisa Bombal
Ava Espanava
Suterotinda Berpot
Evla 1938
betara teza
Bookshelf icon (red and blue).svg  Tuveli icde Suteroteem  Bookshelf icon (red and blue).svg