Wp/avk/John Steinbeck

From Wikimedia Incubator
< Wp‎ | avkWp > avk > John Steinbeck
Jump to navigation Jump to search
John Steinbeck
1902-1968
Englavaf amerikaf suterotik

John Steinbeck bak 1902 koblir koe Salinas ke California koe germaneireafa yasa. Gadikya, bematavesik, mali klaama va griva ta belira dear. Vanmiae gelukaf neveem, tulon tid Gomilara is tigara ke Dostoyevski is Drasuyuna fuda ke Milton is Awalkera ke Arthur ke Thomas Malory.

Vani vayara koe golafa reila, John Steinbeck va vayara va birafa bliopa koe Stanford kotla bokar, bak tevda, voxe meviele bodas va rindera. Ae krupteyer da va batcoba me olegayar kire guzekayar da di vanpiyir suterotik ; ostik, konak inaf suteks koe kotlafa virda ixam al awiyid.

Wetce felusik dene The American radimion kobamayar aze ko California dimlapiyir, abdualbason va konaka exavama rovodektusa va sutera.

Cup of Gold ( Bilaga dem moava ) bak 1929 tir taneaf berpotany, voxen in aje me kiewatcayar eke Steinbeck etudeyer. Azon di tiyid The Sea of Cortez ( Cortez Bira ) az To a God Unknown ( Pu megrupen lorik ). Bat baroy berpot bevulamayad meawin numen anton tir ba sanegara va Tortilla Flat da Steinbeck gu kiewatcaf suterotik toz zo kagrupeyer. Bata neva, konakilasa va amerikamexikafa doda djukapojasa va blira, is brapon suteyena, vodayar da in gu fitc di zo karolayar.

Steinbeck wan suteyer, tulaeason va yona lyumara koe California isu yastera, is yordason va felus suterotik. Ostik dene New York Herald Tribune bak Toleafa Tamavageja is Vietnam Geja kobayar.

Inaf losposaf berpot va konaka watsa rued : batinde Amerika is Amerikeem va Amerika wetce patecta dem klaba deltar. Valev Zideracente, dere tid Widiovu vawila is Yon slakol isu ayik is Talte Eden. Ta sutera va Zideracente, Steinbeck exuleson va koto kolamasikafo pemaxo koe California bak 1936 anameruyur. Bata neva fure tukategisayar ise gan pulodik dace zo vajikeyer. Tele gevase ke bata neva tir da, koe elpataf siatos malskuyun gan John Ford, pizafa tena suteyena gan Steinbeck me zo kagiyir voxe gan kiewatrakusa tena lazavana gan rewara va New Deal talpey ke Roosevelt zo ikarundayar.

Icde ilkafa blira ke Steinbeck, toloya taneafa kurera ten rodjeyed voxe soe barkureyer. Nazbeikye mali perda golde rofavera va codeina dorora zo koropexeyer, aze kotabliron va yon aytatas zvak va ruyat is mala di lyumayar. Koe mivizva ( The Other Side of Eden ) va blira ke nazbeik ke yambik pimtar.

John Steinbeck koe itara ke FBI dere tiyir beka kotviele zo meuyur. Taneon Zideracente berpot koe doevaf feleem kuvapon zo emudeyer, voxen ostik in va The Daily Worker vieleafa doevafa fela tiackon beliyir. Ise dere kurenikya wetce vilkiraf doevik zo krafiayar. Milinde, Steinbeck wetce tubizik zo krafiayar kire ko TSSS al koyayar. Voxen bata koyara tiyir enide va mukodafa disukera icde doeva ta Rossiafe pone neva (1948) di co rovanbureyer.

Steinbeck bak santoleaksat ke 1968 nope takradeona mulufteyer. Ironokafa neva, Tegira ke Arthur gazik is yon olukaf okoldik, sanegatan kaiki awalkera bak 1976, tiyir icde yona vunda va Arthur is inafa poramwa ; Steinbeck kle al gorayar da il yona watsa va noelot is gaderopa kereleyesa va lok ke grabom va int danteyer.

Bak 1962 John Steinbeck va Nobel Suterotafo Poradro al kazawar.

NobelP2.png      Nobel Suterotafo
        Poradro
 : 1962
John Steinbeck

John Steinbeck

 Blira 1902-1968
 Ava Englava
 Suterind Berpot
  Suterot 
  • Cup of Gold (1929)
  • The Pastures of Heaven (1932)
  • The Red Pony (1933)
  • To a God Unknown (1933)
  • Tortilla Flat (1935)
  • The Harvest Gypsies (1936)
  • In Dubious Battle (1936)
  • Of Mice and Men (1937)
  • The Long Valley (1938)
  • The Grapes of Wrath (1939) – Zideracente
  • Forgotten Village (1941)
  • The Log from the Sea of Cortez (1941)
  • The Moon Is Down (1942)
  • Bombs Away: The Story of a Bomber Team (1942)
  • Cannery Row (1945)
  • The Pearl (1947) – Mard
  • The Wayward Bus (1947)
  • A Russian Journal (1948)
  • Burning Bright (1950)
  • East of Eden (1952)
  • Sweet Thursday (1954)
  • The Short Reign of Pippin IV (1957)
  • Once There Was A War (1958)
  • The Winter of Our Discontent (1961)
  • Travels With Charley (1962)
  • America and Americans (1966)
  • Zapata (1975)
  • The Acts of King Arthur and His Noble Knights (1976)
Bookshelf icon (red and blue).svg  Tuveli icde Suteroteem  Bookshelf icon (red and blue).svg
Nobel Suterotafo Poradro

1901: Sully Prudhomme 02: Mommsen 03: Bjørnson 04: F. MistralEchegaray 05: Sienkiewicz 06: Carducci 07: Kipling 08: Eucken 09: Lagerlöf 10: Heyse 11: Maeterlinck 12: Hauptmann 13: Tagore 14: ⌂ 15: Rolland 16: Heidenstam 17: GjellerupPontoppidan 18: ⌂ 19: Spitteler 20: Hamsun 21: France 22: Benavente 23: Yeats 24: Reymont 25: Shaw 26: Deledda 27: Bergson 28: Undset 29: Mann 30: Lewis 31: Karlfeldt 32: Galsworthy 33: Bunin 34: Pirandello 35: ⌂ 36: O'Neill 37: Martin du Gard 38: Buck 39: Sillanpää 40: ⌂ 41: ⌂ 42: ⌂ 43: ⌂ 44: Jensen 45: G. Mistral 46: Hesse 47: Gide 48: Eliot 49: Faulkner 50: Russell 51: Lagerkvist 52: Mauriac 53: Churchill 54: Hemingway 55: Laxness 56: Jiménez 57: Camus 58: Pasternak 59: Quasimodo 60: Saint-John Perse 61: Andrić 62: Steinbeck 63: Seferis 64: Sartre 65: Coloxov 66: AgnonSachs 67: Asturias 68: Kawabata 69: Beckett 70: Soljenitsin 71: Neruda 72: Böll 73: White 74: JohnsonMartinson 75: Montale 76: Bellow 77: Aleixandre 78: Singer 79: Elitis 80: Miłosz 81: Canetti 82: García Márquez 83: Golding 84: Seifert 85: Simon 86: Soyinka 87: Brodski 88: Maxfuz 89: Cela 90: Paz 91: Gordimer 92: Walcott 93: Morrison 94: Oe 95: Heaney 96: Szymborska 97: Fo 98: Saramago 99: Grass 2000: Gao 01: Naipaul 02: Kertész 03: Coetzee 04: Jelinek 05: Pinter 06: Pamuk 07: Lessing 08: Le Clézio 09: Müller 10: Vargas Llosa 11: Tranströmer 12: Mo 13: Munro 14: Modiano 15: Aleksievitc 16: Dylan 17: Ishiguro