Wp/avk/Jean-Auguste-Dominique Ingres

From Wikimedia Incubator
< Wp‎ | avkWp > avk > Jean-Auguste-Dominique Ingres
Jump to navigation Jump to search
Jean-Auguste-Dominique Ingres
1780-1867
Francaf lingesik

Jean-Auguste-Dominique Ingres tir francaf lingesik isu dingeltusik. Bak 1780 koe Montauban koblir. Jean-Marie-Joseph Ingres gadikye ( 1755-1814 ) tir lingesik is zikesik ise va nazbeik gu lingera is dingeltura wavepon kotaver. Bak 1791, santandaf va Gazaf Cultim ke Toulouse denfir lize va lingeropa is dingeltura mbi taver. Kali bliratena, Ingres jontikeke dun dingeltur. Francavafo violon d'Ingres muxadjo tir nope bana toleafa kubla ke lingesik.

Blirizva[edit]

Ingres dem siskesa ozexa bak 1797 ko Paris mallakir aze va lingexo ke Jacques-Louis David denfir. Bak 1801 tuke Staksenik ke Agamemnon va taneafo Roma poradro war. Nope gaderopafa debala, va Villa Medici koe Roma davon me rovokallakir. Wali 1801 is 1806 koe Paris, va jontik delt bokson malyedatan gan malyopasik linger : Delt va Philibert Rivière is Delt va Rivière W-ya is Delt va Napoléon Bonaparte.

Bak saneaksat ke 1806, Ingres ko Roma mallakir. Kali 1820 di zavzagir. Remi 1806 ik 1810, weetce emudenik ke Villa Medici, va grabom ko Paris gostakser : Kolavasikya ke Valpinçon is Jupiter is Thetis. Voxen bata trutca va parisaf malyopasikeem me dulaped. Battode koe Roma djukuzavzagir nume blidatason va jonkaf lingen ok zovdan delt di goskur. Bak 1813, Ingres va Madeleine Chapelle jotafa gemiasikya kurer. Va jontik delt va kurenik kaikion di skur. Tel losposaf kaatoeks tir levetirikya mamadasa is altosotcesa kabdueon, lingeyena sedme seroy ke 1818, koe Turkafe kolavaxe trutca ( 1862 ).

Remi 1820 ik 1824 Ingres koe Firenze soker liz va savsaf milravesik dene lingexo ke David kazokever, i va Lorenzo Bartolini balumasik. Batugale va Fuxa ke Louis XIII trutca linger, i va jafaks ke francafe bowere mu wevala ke Montauban.

Bak santaneaksat ke 1824, Ingres ko Paris mallakir ise va trutca wonatana koe Bontay dositar. Ina va seramafa emudera kazawar kire tir rape tela lokarafa pulukafa prostewa kimbasa va Ketyanya ke Raffaello. Lente Ingres, Delacroix va Stakera ke Scio atoeyer, i va exaksa va pestakeva. Banvielu Ingres wetce pulukaf lingesikany winugon zo kagruper. Va Légion d'Honneur poradro seotar aze den Yambacultim bak 1825 zo libur. Va lingexo koe Paris fenkur aze va jontik vayasik tazukar. Bak 1829 wetce tavesik ke Yambabema zo koflir. Remi 1835 ik 1841, Ingres va play vas gadesik ke Villa Medici koe Roma kereler.

Inaf kurenik bak 1849 awalker. Va Delphine Ramel bak 1852 tolkurer. Ine tir 43-dafe neken in 72-daf. Ingres kali bliratena ba 14/01/1867 koe Paris dun linger, ba klaa vas 86 tanda.

Grabomeem[edit]

Vayasik ke David, Ingres kan izvafa lingera is vundopafa nakila is savsavafa koswavara va int al lasuruyer. Voxen wetce kaatoesik va warzapulukeva zo lajukagrupenser. Grabom tcalas va inafa winugafa ziliyara, i Fuxa ke Louis XIII, gan Dimblirugal zo koswavar. Kan ukzesa kobara, Ingres va ilkaf martig merankes va geltruca lasuzomeyer : « Martig sotir tuwava », suteyer. Acum va klokarsana is bumpusa listuca ke David ilfir nume dene teca zeviandara wal warzapulukeva is pestakeva is geltreva tigir. Inaf grot tid delt is lebaca lodam izvafa lingeropa. Beka taneon Ingres tir zovdasik, pune va kseva katcalon grusaver inde koe Kolavasikya ke Valpinçon trutca isu Delt va Broglie sersikya isu Delt va Moitessier W-ya isu Ketyanya sontesa va trudu rowit.

Trutca[edit]

Dere rupec[edit]

Stragela[edit]

  • Henri Lehmann, Portrait d'Ingres (1880), Paris, École nationale supérieure des beaux-arts.
  • Eugène Montrosier, Peintres modernes : Ingres, Flandrin, Robert-Fleury, Ludovic Baschet, 1882.
  • Henry Lapauze, Les dessins de J-A-D. Ingres du Musée de Montauban, édit. JE. Bulloz, 1901.
  • Henry Lapauze, Le roman d'amour de M. Ingres, Éd. P. Laffitte, 1910.
  • Henry Lapauze, Ingres, sa vie et son œuvre (1780-1867) : D'après des documents inédits, Paris, Imprimerie Georges Petit, 1911.
  • Henry Lapauze, Jean Briant, paysagiste (1760-1799), maître de Ingres et le paysage dans l'œuvre de Ingres, Imp. G. Petit, 1911.
  • Jacques Fouquet, La Vie d'Ingres Paris, Gallimard, 1930.
  • D. Ternois is P. Nesplé, Ingres et ses maîtres, Montauban-Toulouse, 1955.
  • N. Schlenoff, Ingres, ses sources littéraires, Paris, 1956 ; Les Cahiers littéraires inédits de J.A.D. Ingres, Paris, 1957.
  • D. Ternois is J. Lacambre, Ingres et son temps, catal. expos., musée Ingres, 1967.
  • Pierre Barousse, The Drawings of Ingres or the Poetry in his Work, in Ingres: Drawings from the Musee Ingres at Montauban and other collections (catalogue), Arts Council of Great Britain, 1979, ISBN 0-7287-0204-5.
  • Gaëtan Picon, Ingres, Skira, 1980 (ISBN 2-605-00003-6).
  • Daniel Ternois, Ingres, Paris, Fernand Nathan, 1980 (ISBN 2-09-284-557-8)
  • Patricia Condon is Marjorie B. Cohn is Agnes Mongan, In Pursuit of Perfection: The Art of J.-A.-D. Ingres, Louisville, The J. B. Speed Art Museum, 1983, ISBN 0-9612276-0-5.
  • Daniel Ternois is Ettore Camesasca, Tout l'œuvre peint de Ingres, Paris, Flammarion, 1984 (ISBN 2-08-010240-0).
  • Robert Rosenblum, Ingres, Paris, Cercle d'Art, coll. « La Bibliothèque des Grands Peintres », 1986 (ISBN 2-7022-0192-X).
  • Avigdor Arikha, J.A.D. Ingres: Fifty Life Drawings from the Musée Ingres at Montauban, Houston, The Museum of Fine Arts, 1986, ISBN 0-89090-036-1.
  • Marco Fabio Apolloni, Ingres, in Art dossier, Giunti Editore, 1994, ISBN 9788809761827.
  • Georges Vigne, Les dessins secrets de Monsieur Ingres, Toulouse, Le Pérégrinateur Éditeur, 1997.
  • Gary Tinterow is Philip Conisbee is Hans Naef, Portraits by Ingres: Image of an Epoch, New York, Harry N. Abrams, Inc., 1999, ISBN 0-8109-6536-4.
  • Valérie Bajou, Monsieur Ingres, Paris, Adam Biro, 1999 (ISBN 2-87660-268-7)
  • Bohumir Mraz, Ingres, dessins, Éditions du Cercle d'Art, 2003 (ISBN 9782702201725).
  • Manuel Jover, Ingres, Pierre Terrail, coll. « Peinture/Sculpt », 2005 (ISBN 978-2879392875).
  • Vincent Pomarède is Stéphane Guégan is Louis-Antoine Prat is Eric Bertin, Ingres (1780-1867), Éditions Gallimard / musée du Louvre Éditions, Paris, 2006 (ISBN 2-35031-051-5).
  • Sébastien Allard is Marie-Claude Chaudonneret, Ingres : la réforme des principes : 1806-1834, Fage, 2006. (ISBN 2849750735).
  • Jean-Pierre Cuzin is Dimitri Salmon, Ingres, regards croisés, Mengès - RMN, 2006 (ISBN 978-2-84459-129-6).
  • Uwe Fleckner, Jean-Auguste-Dominique Ingres, Paris, H. F. Ullmann, coll. « Maîtres de l'art français », 2007. (ISBN 978-3-8331-3733-4).
  • Catherine Lépront, Ingres, ombres permanentes - Belles feuilles du musée Ingres de Montauban, Éditions Le Passage, 2008. (ISBN 978-2-84742-114-9).
  • Jérôme Prieur, Ingres en miroir, Éditions Le Passage - Musée de Montauban, 2011.
  • Giorgio Cricco is Francesco Di Teodoro, Il Cricco Di Teodoro, Itinerario nell'arte, dall'età dei lumi ai giorni nostri, 3ª ed., Bologna, Zanichelli, 2012.
  • Jean-Auguste-Dominique Ingres, Écrits sur l'art, Grasset, 2013.

Jean-Auguste-Dominique Ingres

Jean-Auguste-Dominique Ingres

 Koblira 29/08/1780, Montauban, Franca
 Awalkera 11/01/1867, Paris, Franca
 Vedey Franca
 Eba Lingeropa
 Serna Warzapulukeva
  Grabom 
  • La Grande Baigneuse
  • La Grande Odalisque
  • Portrait de monsieur Bertin
  • Le Bain Turc
Crystal Project colors.png  Tuveli icde Lingeropa  Crystal Project colors.png
Kolavasikya ke Valpinçon (1808), lingeks keve stama, 146 × 97 cm-
Louise de Broglie Haussonville biptikya (1845), lingeks keve stama, 131,8 × 92 cm-