Wp/avk/Indigirka (kuksa)

From Wikimedia Incubator
< Wp‎ | avkWp > avk > Indigirka (kuksa)
Jump to navigation Jump to search
Indigirka
bost
Indigirka.png
KIRA
Abrotce 1 726 km-
Kuksaxo   238 000 km²
Bost Indigirka
Celack 1 850 m³/v-
SALT
Klita Tuora-Yuryax, Xalkan jaka
Artexo Sibira Bira
Kovoapa   Kyuente, Kuydusun, Elgi, Selennyax, Ulyandina, Allaixa, Berelex, Nera, Moma, Badyarixa
TAWAVO
Patecta Rossia

Indigirka ( rossiavon Индигирка, yakutavon Индигиир ) tir bost valentrone Sibira koe Saxa Sokasane ke Rossia. Abrotcafa gu 1726 km-, dem bostxo vas 360 000 km² is celack vas 1 850 m³/v-. Va Sibira Bira ke Arktika Welfa konir.

Tawavopa[edit]

Klita ke Indigirka kovoon ice Tuora-Yuriax kuksa isu Tarin-Yuriax koe Xalkan jaka tigir. Salt tir lentaf koe Oymyakon azekexa lize Oymyakon wida ( ano fentaxo ke winta ) tigir, aze va Tcerski jaka koe abrotcafa vristafa krantoza beetcuson remnir. Bost wan lentnir, va naelafu ivamu gaber aze va Moma jaka remnir aze va azeka ke Ronefa Sibira artnir aze va Sibira Bira konir, tazukason va riskapa.

Za koe Ust-Nera va bost remenir. Arte toloyo xo Indigirka bost non tir rototan. Kaike rawistaxo kale Moma, totapa kal artexo rolapid.

Bostxo[edit]

Vegungafo bostxo tid roneon telo ke Alazeya bost, is geroneon telo ke Kolima, is geeon telo ke Oxota, ise talteon telo ke Yana.

Kovoa[edit]

Nelkafa kovoa ke Indigirka tid ( vaticuvatiton ) :

Kotavaf yolt Kirilavaf yolt
Abrotce
( km- )
Kuksaxo ( km² ) Domega
Kyuente Кюэнте 247 43 800 Taltefa
Kuydusun Куйдусун 247 20 400 Taltefa
Elgi Эльги 394 68 200 Taltefa
Selennyax Селеннях 796 30 800 Taltefa
Uyandina Уяндина 586 17 700 Taltefa
Allaixa Аллаиха 563 12 400 Taltefa
Byoryolyox Бёрёлёх 754 17 000 Taltefa
Nera Нера 331 24 500 Ronefa
Moma Мома 406 30 200 Ronefa
Badyarixa Бадяриха 545 12 200 Ronefa

Lavopa[edit]

Vertuma ke Indigirka bost tir noldakorafa.

Tapugal ke bost va anyustoy aksat gitiskir, mali saneaksat kali alubeaksat ok dace teveaksat.

AKSATEAF CELACK ( m³/v- )
Lavopafa recela : Vorontsovo
(  )

Bost zo rototan wali teveaksat is saneaksat moe 1154 km mal artexo kal kovoaxo ke Moma kuksa.

Patectoy[edit]

Indigirka bost va gola konir lize taiga aala tir felisa aze kadar aalafa ruga aze vanpir rugacka pok krimta. To ana fentafa gola ke winta tir, acum abica lava koe tapsid tigir numen ant ruxama rotatrid : to gazaxo ke tij is berdava is rucka is luc tir.

Sanelia[edit]

Wiks va Ust-Nera

Mata sanelia koe Indigirka bostxo soker. Antafa widavama tid : Ust-Nera is Xonuu is Belaya Gora is Drujina is Tcokurdax is Tabor.

Ust-Nera bak Stalinugal zo zabduyur, wetce stanjuxo is Gulag pemaxo. Savera va monefo moavaxo va nelkafa tegisaca ke bata bumafa widavama tadler.

Dere rupel[edit]

Vexala dem voapa ke Rossia

LocationRussia.png
Bost ke Rossia
AlazeyaAmurAnabarAnadirDniproDonIndigirkaKamtcatkaKolimaKubanLenaMezenNadimNarvaNevaNyemenObOlenyokOnegaOxotaPenjinaPetcoraPurPyasinaSevernaya DvinaTaymirTazTerekUdaUralVolgaXatangaYana Yenisey