Wp/avk/Hudson Bost serna

From Wikimedia Incubator
< Wp‎ | avkWp > avk > Hudson Bost serna
Jump to navigation Jump to search

Hudson Bost sernaHudson River School ) tir yambaf lizor awiyis koe Tanarasokeem bak XIX-eafa decemda is reduyus gan lospa dem lingesik turestayan gan pestakeva.

Louis Rémy Mignot, Niagara (1866)

Taneafa oxila[edit]

Hudson Bost serna va konak amerikaf lingesik kobayas wali 1820-e sanda isu 1870-e lospar. Geltron muxaks bak 1879 anton zo glotcayar. Taneaf lingeropaf lizor awiyis koe Tanarasokeem, inafa redura jadion pu Thomas Cole ( 1801-1848 ) zo yofter. Bantan koe Catskill bak 1836 va int inkeyer azen inafa trutca kaatoesa va amerikapaf patectoy, va aryon lingesik tcampus va inafa tula num batinde tazukas va Hudson Bost serna di turestayad.

Lingesik ke taneafa oxila va Hudson krant is monexo is dere Catskill jaka isu Adirondacks isu White valentrone Tanarasokeem lasukaatoeyed. Va patectoy ton brevizap nelkon lingeyed.

Yambik ke Hudson Bost serna va rietova va Lugode tuevayana gan Edmund Blake eireaf trakopik kan A philosophical Enquiry into the Origin of Our Ideas of the Sublime and BeautifulTrakopafa kogrupara va Xanta ke Minyona Rieta va Lugode is Liste, 1757 ). Trakuyud da Tuwava tiyir exaksara ke lorafa gijarotiuca isu vonuca. Ware ketaf patectoy ke Tanarasokeem gu Xantafuda zo doluneyed

Toleafa oxila ( 1848-1870 )[edit]

Radimi awalkera ke Thomas Cole bak 1870, Asher Durand ( 1796-1886 ) va otsa ke lizor narir. Vanpiyir taneagadesik ke Vedeyaf Cultim va Zovdara ( National Academy of Design ) ise va verteem ke patectoyafa lingeropa tubeksayar. Durand va John William Caselear tavembik doon doimpayar numen bantan va gretcara joke patectoyafa lingeropa jovleyer, abdialbason va brevizam lodam glupaf buneks ke yambik ke taneafa oxila.

Soe lingesik ke Hudson Bost serna me tid male milyona seltafa anameda ise va mil martig me dye uned. Toleafa oxila ke Hudson Bost serna va afifa keska isu anamedafa faveyer.

Frederic Edwin Church ( 1826-1900 ) va Niagara stoya vox dere patectoy dive Tanarasokeem ( Andes rodega, Pokefa Roneka, Naelxo ) lingeyer.

Louis Rémy Mignot ( 1831-1870 ) va Niagara stoya dere linger, is nakila va tcabanera bak fentugal is ronekaf patectoy.

Lingesik va Rocky rodega[edit]

Lingesik xantaf gu Germana, Albert Bierstadt ( 1830-1902 ) tir bocaf kaatoesik ke Hudson Bost serna. Bak 1858 va brinuga ke Lander vombik koe Rocky rodega pakeyer. Ko bata gola bak 1863 az 1871/1872 gin lakiyir. Inaf patectoy va amerikafa talteka tid pintakirapaf is ilamkaf is dile selus. Lantan va in wetce afievik pulad. Inaf jontik buneks va Yosemite krant va disafa tuwava nedid.

Inafa trutca yoltkiraf Landers Peak ( 1863 ) gan McHenry kelotaf tilapik ika 25000 dollar talolk zo lusteyer ; va jontika mikropafa pinta razdar ise va milbavakiraf patectoy drager.

Thomas Moran ( 1837-1926 ) va Rocky rodega jontikviele lingeyer. Wira ke Thomas Moran va patectoy ke amerikafa talteka tiyir gorukafa ta redura va Yellowstone vedeyaf gerd. Inaf lingeks vangrupeyes va gijuca is gedruca ke patectoyeem ke Yellowstone pu amerikafa aba gan bokasik va azed zo atoeyed. Thomas Moran is Albert Bierstadt is Thomas Hill is William Keith gu Rocky rodega serna nope jontik patectoy ke talteka lingeyen gan bata lospa dile zo vuested.

Afieva[edit]

John Frederick Kensett is Martin Johnson Heade is Fritz Henry Lane va Hudson Bost serna oye intyon nyasesaf lingeks ezfid. Va fenkunaf patectoy ( bira ik uzda ik eipxo ) tuvodan gan anamedafa keska volad. Va afievaf lizor tadled, i va lizor kruptes da afi ke Warzafa Tamava sotir pilkovafi kir exaksara ke Lorik koe patectoy.

Nelkaf lingesik[edit]

Yambik Delt Grabom Koblira Awalkera Giva
Albert Bierstadt Bierstadt.jpg Albert Bierstadt - The Rocky Mountains, Lander's Peak.jpg 1830 1902 Lingesik xantaf gu Germana, Albert Bierstadt ( 1830-1902 ) tir bocaf kaatoesik ke Hudson Bost serna. Bak 1858 va brinuga ke Lander vombik koe Rocky rodega pakeyer. Ko bata gola bak 1863 az 1871/1872 gin lakiyir. Inaf patectoy va amerikafa talteka tid pintakirapaf is ilamkaf is dile selus.
Alfred Thompson Bricher Alfred Thompson Bricher.jpg Alfred Bricher - Time and Tide.JPG 1837 1908 Turestayan gan Martin Johnson Heade is Fitz Henry Lane, kralan gu afievaf lizor koe Tanarasokeem, tir tan ironokaf kaatoesik ke Hudson River School.
John William Casilear Casilear LakeGeorge 1860.jpg 1811 1893 Xanton gretcasik, gu lingera gan Asher Durand zo koldayar
Frederic Edwin Church Frederic Edwin Church - Brady-Handy.jpg Church Heart of the Andes.jpg 1826 1900 Tavembik ke Thomas Cole. Beka gan tuwavaf opeem zo turestayar, pune gan swavaf lum ke intafa yamba dun zo abdikereleyer.
Thomas Cole Thomascole2.jpg Thomas Cole - The Voyage of Life Childhood, 1842 (National Gallery of Art).jpg 1801 1848 Krupteyene gu redusik va Hudson Bost serna, va jontika nakila koe intafa mona ke Catskill lingeyer.
Samuel Colman Colman Storm King on the Hudson.jpg 1832 1920 Bewik ke Vedeyaf Cultim va Zovdara, in ape tiyir tavembik ke Asher Durand.
Jasper Francis Cropsey Jasper Francis Copsey, by Edward L. Mooney.jpg Autumn--On the Hudson River-1860-Jasper Francis Cropsey.jpg 1823 1900 Tis ke taneafa oxila ke Hudson Bost serna, va muvugalaf patectoy tulon lingeyer. Trakuyur da patectoy tiyir lokiewaf tazuk ke lingeropa isen da tuwava tiyir rontifa exaksara ke Lorik.
Thomas Doughty Thomas Doughty Maine Seacoast.jpg 1793 1856 Taneaf amerikaf yambik tanon eksudas va patectoy.
Asher Durand Asher Brown Durand by A. Bogardus.jpg Asher Durand Kindred Spirits.jpg 1796 1886 Grupen nope inyon pintakiraf lingeks va aal is pistok is toeem.
Robert Scott Duncanson Robert S. Duncanson (1821-1872).jpg Duncanson, Robert Scott - Loch Long - Google Art Project.jpg 1821 1872 Afrikamerikaf yambik lingeyes bak Wideytafa Geja isu radimi is turestayan gan Hudson Bost serna
Sanford Robinson Gifford Sanford R. Gifford Sanford Robinson Gifford - Crépuscule sur le mont Hunter.jpg 1823 1880 Wetce tan emokilik ke Hudson Bost serna, inaf patectoy gan afikeska kralasa va afievaf lizor zo tuvodad.
William Hart William Hart.jpg Lake Among the Hills by William Hart, 1858.jpg 1823 1894 Tiyir tavembik ke Jules-Joseph Lefebvre.
William Stanley Haseltine William Stanley Haseltine - Cascade.jpg 1835 1900 Moni 1859 ko New York va int inkeyer.
Martin Johnson Heade Martin-johnson-heade.jpg Martin Johnson Heade Approaching Thunderstorm ATC.jpg 1819 1904 Va jontika patectoyafa trutca lingeyer ise tiyir nik do konak yambik ke Hudson Bost serna.
Thomas Hill Thomas Hill (artist).jpg Thomas Hill - Yosemite Valley (1876).jpg 1829 1908 Va patectoy ke California, tulon ke Yosemite krant lingeyer, is ke White jaka ke New Hampshire.
David Johnson Johnson View of Dresden Lake George.jpg 1827 1908 Kobliyis koe New York, dene Vedeyaf Cultim va Zovdara vayayar aze tiyir tavembik ke Jasper Francis Cropsey. Do John Frederick Kensett is John William Casilear, tiyir lokiewaf kaatoesik ke amerikafa afieva.
John Frederick Kensett John Frederick Kensett standing.jpg WLA brooklynmuseum John Frederick Kensett-Lake George 1870.jpg 1816 1872 Grupen nope inyon patectoy va New York is New England is krimteem ke New Jersey is Long ewala, tir ke toleafa oxila ke Hudson Bost serna.
Fitz Henry Lane 1835 FitzHughLane byRobertCooke drawing AmericanAntiquarianSociety-crop.jpg LaneFitzHughBracesRockEasternPointGloucester.jpg 1804 1865 Tan zolonaf kaatoesik va afieva koe Tanarasokeem.
Jervis McEntee Jervis McEntee McEntee Jervis Saturday Afternoon 1875.jpg 1828 1891
Louis Rémy Mignot Louis Rémy Mignot (1860).jpg Brooklyn Museum - Niagara - Louis Rémy Mignot - overall.jpg 1831 1870 Grupen nope inyon ronekaf patectoy is Niagara stoya is wiks va Paris.
Thomas Moran Thomas Moran-photographic portrait.jpeg The Great Blue Spring of the Lower Geyser basin, Yellowstone Wellcome V0025226.jpg 1837 1926 Inafa trutca volasa va patectoy ke amerikafa talteka tiyid gorukafa ta redura va Yellowstone vedeyaf gerd.
Robert Walter Weir Robert Walter Weir, circa 1864.jpg Robert W. Weir, View of the Hudson River, 1864, West Point Museum.jpg 1803 1889
Worthington Whittredge Worthington Whittredge by Rockwood.png Worthington Whittredge - The Amphitheatre of Tusculum and Albano Mountains, Rome - Google Art Project.jpg 1820 1910 Nik ke Albert Bierstadt is Sanford Robinson Gifford, koyapayar ise tiyir taneagadesik va Vedeyaf Cultim va Zovdara.

Vuestexa[edit]

  • (en) John K. Howat, American Paradise, The World of the Hudson River School. The Metropolitan Museum of Art, Harry N. Abrams, Inc., New York, 1987
  • (en) Sanford Robinson Gifford is Kevin J. Avery is Franklin Kelly, Hudson River School Visions : The Landscapes of Sanford R. Gifford, Metropolitan Museum of Art, 2004, ISBN 588390985
  • (en) John K. Howat, The Hudson River and its Painters, Viking Press, 1972, ISBN 0670385581

Hudson Bost serna
 Ind Lingeropa
 Sare 1820-1880
 Tigixo Tanarasokeem
 Yambik Cole, Bierstadt, Church, Durand, Kensett, Moran
 Dalaf lizor  Pestakeva


 
Crystal Project colors.png  Tuveli icde Lingeropa  Crystal Project colors.png