Wp/avk/Ekaterina Brecko-Breckovskaya

From Wikimedia Incubator
< Wp‎ | avkWp > avk > Ekaterina Brecko-Breckovskaya
Jump to navigation Jump to search
Ekaterina Brecko-Breckovskaya
1844-1934
Rossiaf artowasik

Ekaterina Konstantinovna Brecko-Breckovskaya koblirakirafa gu Verigo ( rossiavon Екатерина Константиновна Брешко-Брешковская, Вериго ) tiyir rossiaf artowasik. Koe Ivanovo wida ke Vitsebsk bowexo ke savsafo rossiafo gindaxo is refa Belarusa bak 13/01/1844 kobliyir. Ba 12/09/1934 koe Chvaly widavama ke Ceskaslovenska divblinon awalkeyer.

Blirizva

Ekaterina vey Verigo oluafa yasa koblir. Va rumeugal az jotugal koe pilkot koe Lugovets ke Mglin utca tiskir. Nikolay berikye isu Vasili titid malyerotik koe bana utca. Koe oga zo kotrakur aze dene ayikyafa olda zo dobar. Va gadikye ta tunuyara va pilkotaf tawadayikeem pomar ise va bema az nevaxo fenkur ise va kaydebolk is beitara koinker. Bak 1868 va N- Brecko-Breckovski pilkotik kurer.

Saneevik

Bak 1873 va saneevaf rijay azu Tcaykovski do Pavel Akselrod koe Kyiv denfir. Bak muvugal ke mil ilanacek ko Sankt Peterburg lapir lize va konaka artowasa lospa uzerar. Bak 1874 va « Lanira van Sane » paker. Koe Kyiv winka isu Xerson isu Podolsk galbedur. Bak lerdeaksat ke 1874 zo soper. Koe konak flint ke Kyiv azazon zo dagir aze bak 1875 ko Petropavlovskaya ralma ke Sankt Peterburg zo arburer lize kali toza ke Jiz va 193 di zavzagir.

Bal ban jiz gu flintafa alubda is azafa divblira zo lanzar. Bak 1878 ko Kara xalta koe Sibira artlakir. Direilanon ko Barguzin zo stakser. Bak imwugal ke 1881 do N- Tiuttcev is I- Livnev is K- Camarin lajuyater voxen kadimion zo vebidud. Gu balemda ke poana kobara zo lanzar.

Bak 1882 gu Kara gire zo koxaltar. Arti tolda ko inkexo ke Turuntayevo wida zo arstakser aze nope akola ke Selenginsk widavama. Bak 1891 koe tawadayxo zo geldar aze va remeluxaxa novesa va sokera koe betlize Sibira belundar. Acum wali 1892 is 1896 koe Irkutsk blir lize koe Vostocnoye Obozrenye fela kobar. Bak 1896 va Tomsk az Tobolsk koirubar. Inafa divblira tici ban ilanacek tenuwer, emnaganon ba sonara va Nikolay II gindik.

Wori kali 1903, Ekaterina Brecko-Breckovskaya ton memwedafa debala di blir. Va grustasa kobavera is amuzera va artowas rieteem den tawadayikeem vilter, koe Moskva az Tcernigiv az Minsk. Tozi warzafa decemda vanpir tan grustasik va Seltevafo Artowaso Pako. Stragar da tawadayikeem ke 1890-e sanda tir loeke kotrakuyun is gaderopon loon drumkaf, nekev ligundewera ke seltaskapafa debala, numen batcoba va kiewatca ke artowasa galbedura weber.

Tiyir mu gaderopafa is tawadayikafa eafteva, krupteson da ina tiyir tana lokeskotafa lyumasa nuva. Bak 1901 Ekaterina Brecko-Breckovskaya va Gercuni koinkesi va Lyumas Grustaks ke pako bristupur. Kore va meka eaftevafa tegira miv kotaskiyir, pune va tabexaf tegisik dum Savinkov is Kalyayev is Sozonov koswavayar.

Vuestexa

  • (ru) Брешко-Брешковская Е. Скрытые корни русской революции. Отречение великой революционерки. 1873—1920 / Пер. с англ. Л.А. Игоревского. М.: ЗАО Центрполиграф, 2006, ISBN 595242001X
  • (ru) Патронова А. Г. Государственные преступники на Нерчинской каторге (1861—1895 гг.), Чита, 1998.
  • (en) Good J.E., Jones D.R. Babushka: The life of the Russian revolutionary E.K. Breshko- Breshkovskaia (1844—1934), Newtonwill, 1991.
  • (ru) Иванишкина Ю. В. Е. К. Брешко-Брешковская: общественно-политические взгляды и деятельность: Дис. … канд.ист.наук., М., 2006.
  • (ru) Из моих воспоминаний. СПб., 1906; Бабушка Е.К.Брешко-Брешковская о самой себе. Пг., 1917.
  • (ru) «Следовало быть более человечным в отношении к преступникам, в особенности их нравственным и материальным нуждам...» Документы Госархива Забайкальского края о пребывании Е.К. Брешко-Брешковской на каторге //Отечественные архивы. 2014. № 1. С. 83-100.

Ekaterina Brecko-Breckovskaya

Ekaterina Brecko-Breckovskaya

 Koblira  25/01/1844,
 Ivanovo, Vitsebsk winka, Rossia
 Awalkera  12/09/1934,
 Chvaly, Ceskaslovenska
 Vedeyot  Rossia
 Tegira  Tuevas artowasik
  Bifa 
P Parthenon 2.svg  Tuveli icde Izvopa  P Parthenon 2.svg
Xe ke Kara xalta, 1891
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc