Wp/avk/Delt va Broglie sersikya (trutca ke Ingres)

From Wikimedia Incubator
< Wp‎ | avk(Redirected from Wp/avk/Delt va Broglie sersikya (trutca))
Wp > avk > Delt va Broglie sersikya (trutca ke Ingres)
Jump to navigation Jump to search
Delt va Broglie sersikya ~ Portrait de la Princesse de Broglie (FR)


Delt va Broglie sersikya ( francavon Portrait de la Princesse de Broglie ) tir trutca tollumafa gu 121 × 91 cm-, i puntalingeks keve stama skuyun gan Jean-Auguste-Dominique Ingres francaf lingesik bak 1851-1853. Koe The Metropolitan Museum of Art tcilaxe ke New York re tigir.

Tezanik is inaf delt[edit]

Tezanik tir kurenikya ke Albert de Broglie dacik ( 1821-1901 ) tiyis gadesik va bowere bak III-eafe Sokasane bak 1870-e sanda. Bak 1845 va Joséphine-Éléonore-Marie-Pauline de Galard de Brassac de Béarn ( 1825-1860 ) al kureyer.

Joséphine de Galard Broglie sersikya tiyir sposafa gu listuca is fentaluca, i gu kira dimkazawanyayana gan Ingres koe delt. Kotcakolesa, ba bar-san-alubda mulufter. Bruditison va awalkeyes kurenik, kurenikye va trutca palseyena kake marwida kotedje di videyer. Delt dene Broglie yasa kali 1958 zavzagir. Gan Robert Lehman amerikaf omeltik bam zo luster, aze pu Lehman Kizey zo iskemar. Bak 1975 pu Metropolitan Museum of Art ke New York zo kozilir. Banugale re zo wonar, koe xantafa xuta kiblayana gan miv Ingres.

Drunara va Delt va Broglie sersikya gan Ingres[edit]

Pintaks va taka is usukot
Pintaks va rogeem bene meem is nubeem

Delt va ayikya skuyun gan Ingres isti XIX-eafa decemda va dofa tazukafa kira atoed. In va sivakuca ke tezanik kotviele tudenar ise va ewava bazeckesa va seltafa ravalduga drager. Arak zo kickir : blucte is roga is gedrafa dokaca is kadimef azent. Bata ayikya tid ke glastapikeem ok oluikeem, isen sinafa tegisuca anton rekodur. Skapon ok gaderopon meinde royordad kiren bati fli tid koe febaf ind ke ayikye. Acum danesa envara va delt gan yambik va bat seltopaf levstegereem gotarkar. Kurenikya ke Broglie dacik va Broglie staba kaatoer, i va guazafa oluafa yasa, nume gonuvelar bagaliafa is listafa is kulapafa. Ingres kle govetir paregrapaf icde swavopa ke koredik.

Sersikya kle tir weyustafa, ape gabentamafa. Lingesik va kotunafa muxara va kulupaf gem is rogeem moekote trumayar. Tir donaf gu bat ind. Bat delt, bro telyona milsarefa milwatsafa, va yunkera va ayikyafa cava titi Toleaf Gindugal kle tadler. Gratcotek tir vrebafa dokaca : gem gan gratcot kum yinaxa zo deer, is dem ivamuk mali 1850. Jospéhine de Broglie va gubef afizblucteem me diskir, voxe va tan aptaf sielblucteem ta tezara diskir. « Ulimey ke batyon sielgem, uulkorafa abduon, tir putckoraf dem geruayana vinotca is lesofa gila. Azudaca grivutena gan gindikya tid cavafa, tulon falte diskine gan Broglie sersikya. » Cava ke bane sare tiyir kalstegesa va ayikya larde karolara ke Eugénie gindikya va kottanya jontikeke anamstegeyed.

Nokotkoraf usukot tir tigipis. Roga va febapafa cava dere koveged. Mali toleafu acku ke XIX-eafa decemda, ayikya bro Broglie sersikya va roga ton etruskaf ask gu prostewafa francaskafa roga aotced : moavaf trot bene berga is nuba is mucugakoraf maserk tid ksudaks va Campana dotay, i va kotgrupaf dotay dem ellasafa is etruskafa is romafa is galliaromafa roga tisa vuestera ke zolonikeem ke XIX-eafa decemda. Bat dotay gan tcila ke Louvres bak 1861 loeke zo urlickeyer.

Bat delt ke Ingres tid ironokaf zolonaf pulukaf delt ke taltekafa yambizva ise va kira is mempera ke cultimeva ke XIX-eafa decemda kotote atoed : va trumapana zovdara ( Ingres tiyir zovdanyasik ) is engasitaf kor is katcalafa felira va lingese ckane urlickeyene mali Tolnazbalarugal. Arti nemon tolsanda, liteva di kobliyir. Liste ke kaatoera gan liste ke pestalera bam zo ikarundayar.

Egas vayaks[edit]

Dere rupec[edit]

Stragela[edit]

  • Bertin Eric is Tinterow Gary. Portraits by Ingres: Image of an Epoch: Reflections, Technical Observations, Addenda, and Corrigenda. Metropolitan Museum Journal, volume 35, 2000
  • Betzer, Sarah. Ingres and the Studio: Women, Painting, History. University Park, PA: Pennsylvania State University Press, 2002. ISBN 978-0-2710-4875-8
  • Brettell, Richard is Hayes Tucker Paul is Henderson Lee Natalie. The Robert Lehman Collection III. Nineteenth and Twentieth-Century Paintings. New York: Metropolitan Museum of Art, 2009. ISBN 978-1-5883-9349-4
  • Davies, Martin. An Exhibition of Portraits by Ingres and His Pupils' The Burlington Magazine for Connoisseurs, volume 64, no. 374, 1934
  • Hale, Charlotte; Technical Observations.
  • Marandel, Patrice. Europe in the Age of Enlightenment and Revolution. Metropolitan Museum of Art, 1987. ISBN 978-0-8709-9451-7
  • Naef, Hans. Eighteen Portrait Drawings by Ingres. Master Drawings, volume 4, no. 3, 1966. JSTOR 1552844
  • Newbery, Timothy. Frames in the Robert Lehman Collection. NY: Metropolitan Museum of Art Publications, 2007. ISBN 9-781-5883-9269-5
  • Vincent Pomarède, Ingres : 1780-1867, Paris, Gallimard, 2006 (ISBN 2-07-011843-6)
  • Rosenblum, Robert. Ingres. London: Harry N. Abrams, 1990. ISBN 978-0-300-08653-9
  • Robert Rosenblum, Ingres, Paris, Cercle d'Art, coll. « La Bibliothèque des Grands Peintres », 1986 (ISBN 2-7022-0192-X)
  • Daniel Ternois, Ingres, Paris, Fernand Nathan, 1980 (ISBN 2-09-284-557-8)
  • Daniel Ternois is Ettore Camesasca, Tout l'œuvre peint de Ingres, Paris, Flammarion, 1984 (ISBN 2-08-010240-0)
  • Tinterow, Gary. Portraits by Ingres: Image of an Epoch. New York: Metropolitan Museum of Art, 1999. ISBN 978-0-300-08653-9
  • Tucker, Paul. Nineteenth- And Twentieth-Century Paintings in The Robert Lehman Collection. New York: Metropolitan Museum of Art, 2009. ISBN 978-1-5883-9349-4
  • Wolohojian, Stephan. A Private Passion: 19th-Century Paintings and Drawings from the Grenville L. Winthrop Collection, Harvard University. New York: Metropolitan Museum of Art, 2003. ISBN 978-1-5883-9076-9

Delt va Broglie sersikya

Portrait de la Princesse de Broglie

Delt va Broglie sersikya

 Yambik Jean-Auguste-Dominique Ingres
 Evla 1851-1853
 Ord Delt
 Lingerinda Puntalingeks keve stama
 Lum 121 × 91 cm-
 Tigixo The Metropolitan Museum of Art tcilaxe, New York


Trutceem ke Ingres
Izvaf ok vundopaf lingeks

Napoléon moe gindaf uskejPaolo is FrancescaRaffaello is FornarinaZeus is Tetis

Delt

Caroline Murat gazikyaAmédée-David Pastoret biptikyeAugustine-Modeste-Hortense ReisetAyikye dem oblakakBelvèze-FoulonBetty RothschildBonald gertikBonaparteBroglie sersikyaCaroline RivièreDuvaucey W-yaFrançois-Marius GranetGonin WeltocyaHaussonville biptikyaJacques Marquet de Montbreton de NorvinsJacques-Louis LeblancJoseph Ingres, gadikye ke yambikNikolay Guryev biptikyePierre-François BernierTournon biptikyaZélie listya

Lebaca

Koblira ke VenusKolavasikya ke ValpinçonKolavasikya mialonTurkafe kolavaxe

Alkaf lingeks Turkafe kolavaxe
Mivdelt Turkafe kolavaxe
Crystal Project colors.png  Tuveli icde Lingeropa  Crystal Project colors.png