Wp/avk/Crainquebille (suterot)

From Wikimedia Incubator
< Wp‎ | avkWp > avk > Crainquebille (suterot)
Jump to navigation Jump to search
Crainquebille


Rupa[edit]

Crainquebille tir savasaf rosteladolesik takrelon platis va lima koe Halles revava ke Paris. Irubasik ke xo va inafa brucka isu agraluca gisekad ise dolekik tid rubaf tove ine ise va inyona rostela lunton dolebad.

Lanvielon, ardialik dem otuk vas 64-e, intotcaf gu intaf tantazukot is slikeke rewas va mwa, va bat savsikye boyoter ise granser da ine banlize me di gozavzagir. Crainquebille pumbar kiren ede mallanir, pune va anelikeem di drasur. Flider tuidulawer ise pirur ; laizon ardialik ve kobuivewer da Crainquebille su lutsagar. Ve zo kridjover nume kadimion i Crainquebille erkeyon zo komalyer aze zo lanzar. Glastedik is doltik va gexataja pu divflintayan rosteladolesik kaikion nedid.

Crainquebille va xaka me lajugildar, aze adre loloon pikser. Ant rumeik yoltkiraf gu "Slakol" tir vadulaf is siakraf.

Crainquebille, boikene, unt kalir da, ede gire co fu zo koflintar, pune soka va vedgobera is sinkara tiskatar. Boyoteson va kon ardialik, pobaxar. Voxen bantan tir vonik opelon askis da ine mallanir. Nume Crainquebille moe lume co zavzagitir, ergayene is xakese, voxen nubama ke Slakol va tela inafa anjer aze van loon aftafa zida kolizir.

Yunkeks[edit]

Konak yunkeks ke Steinlein va berpot, koe taneafa piskura, 1901

Dere rupel[edit]

  • Anatole France : Francavaf suterotik ( 1844-1924 )
  • Francavafo xanto, dene Wikisource : [1]
  • CrainquebilleL'Affaire Crainquebille ), kalkot- 2015 gan Damien Etcheverry, Kotavaxak dem Suterot dotay, banliz
Crainquebille
XANTO
Vergumvelt L'Affaire Crainquebille
Sutesik Anatole France
Ava Francava
Suterotinda Berpot
Evla 1901
betara teza
Bookshelf icon (red and blue).svg  Tuveli icde Suteroteem  Bookshelf icon (red and blue).svg


Crainquebille, taneafa piskura ba 1901