Wp/avk/Coliboaia (arula)

From Wikimedia Incubator
< Wp‎ | avkWp > avk > Coliboaia (arula)
Jump to navigation Jump to search

Coliboaia arula, tir yunkeyena arula tigisa koe Romania.

Bak 2010 va raporyambaf grabom ke toza ke Jotaf Lekeraporugal evlon gu 36000 tanda AR razdayar, i va grabom a grupena milsarefa milvodaca koe taltefa Europa.

Debala[edit]

Arula vatalte Romania tigir, koe Bihor winka, koe Sighistel krant arte 5 km- katice milyoltafa wida.

Pimtara[edit]

Kolanixo ke Coliboaia arula tir bargentimkorafo is ontinafo gu mon 2 m-, tite rapordzeta. Kaikeon, lupaxa kal levedafa kuksa koton remnisa va arula titnir. Tir dem konaka galza belon tuvargrontawesa ba ticnira ke laveka. Kotafe abrotce ke arula tir vas 750 m-.

Yunkeyena dzeta koe ironokafa bareaca ke arula tigir. Dzeta ke arula tid dem jontiku pru isu volpru.

Dzetaf lingeks[edit]

Lingeks bak 2010 gan romaniaf arulopik zo kosmayad. Martigafa bazexa al jupad da aptacik torigid da bat dzetaf lingeks tid lan milidaf eem savsackaf ( toza ke Jotaf Raporugal ). Evlara kan 14-e beba va bata savsuca banvielu gruyeyed, warzeson va evla vas 27 870 AR tanda ( is ± 250 tanda ) ton snigayana klaa icde lan sulemafa vola, is vas 31 640 AR tanda ( is ± 390 tanda ) icde lani yeldki abdinariyini levu mil zovdaks. Arula bak konaka rekola rotir zo nobayar, koe ugal ape tis ke Aurignac Sare.

Grabom tid ebeltaf lingeks va sulem, don tanoy gairtol is tanoy okol is tanoy krapoldunol is tanoya ok toloya taka ke rupol is toloy beicekol. Konak gretcaks dere tid. Jontik yupolk ke arularupol moe sid tigid. Bak jonvielera koe arula, rupol kev dzeta va int pragayad nume va konak seg dem lingeks nirayad, batkane ruyeson va sinafa gariuca.

Oye mefakafa vansara is videsa dirgulaca, dzetaf lingeks ke Coliboaia me tid rowin gan sanegik.

Vuestexa[edit]

Coliboaia
Kuksa koe arula
DEBALA
Debala Bihor, Sighistel krant
Romania   Flag of Romania.svg
Maneka 46° 31′ 52″ L-, 22° 35′ 44″ R-
KIRA
Ord Yunkeyena arula
Sidopugal -
Ayafe sare Aurignac Sare
Ontine ke kolanixo 560 m-
Grupene abrotce 750 m-