Wp/avk/Civitatis orbis terrarum

From Wikimedia Incubator
< Wp‎ | avkWp > avk > Civitatis orbis terrarum
Jump to navigation Jump to search
Civitates Orbis Terrarum ( liwotak )

Taneafa piskura va Civitates Orbis Terrarum liwotak ( liwotak dem widava ke kotrafa tawama, latinavon ) wali 1572 is 1617 zo skuyur. Kotak ke bat liwotak va lozolonafa widava ke Europa is dere abicote Asia is Afrika volayar. Tevoya karba ke neva tiyid grabom ke kobavera ke Georg Braun is Frans Hogenberg nelkaf gretcasik.

Kulaf gu 531 zovdaks ( ton jadion tazuk vas 280 x 410 mm- ) moe 1600 bu, bat siurgaks vas ageltafa cugexa vanmadayana ta aliuca ke europaf seltay isu izva isu araya tadleyer, ise va zovdom ke batyona widava zulton elimon atoeyer, yunkeson va sinyona kira isu orpa isu nelkafa eba.

Skura va bat taneaf bolkaf liwotak dem europafa widava tuke dokobara ke yon lizukaf blodik is yambik is liwotopik is gretcasik zo turotisayar.

Bat gretcaks ke Hogenberg tid vas merotuldinena voda ta grupera va mialukugalafa widava abdi granafa vilara ke Barsandafa Geja ok ikavegedusa kobara ke Barocco rekola. Jontika zikexa dum direm ik tota ik korobik ton milsaref aboz is data oxinakila gu pintakirafa kaatoera va widava zo loplekuyud. Ewava gu widavaf tcalok zo zikeyed.

Gretcayana pozla pu digira ke Jan Jansson nederlandaf liwotopik porfeon zo deayad. Bantan va konaka betara vanbureyer aze va warzafa piskura va widaveem bak 1657 koe Köln sanegayar. Piskuks ke bat liwotak nope intafa yambafa donuca gan grupepesik zo karolapayad.

Vuestexa[edit]

Vexala dem Civitates Orbis Terrarum liwotak[edit]

Yon olkoy ke liwotak :

Widava Liwot Latinavaf vergumvelt Evla Karba Lum
Aachen
Germana )
Aquisgranum, Vulgo Aich ad Menapiorum fines 1576 I-eafa,
otuk 12-e
320 × 325 mm-
Amsterdam
Nederlanda )
Amstelredamum, nobile Inferioris Germaniae oppidum 1572 I-eafa,
otuk 20-e
340 × 485 mm-
Bruxelles
Belga )
Bruxella, urbs aulicorum frequentia, fontium copia, magnificentia principalis aulae... nobilissima 1572 I-eafa,
otuk 14-e
330 × 470 mm-
Budapest
Magyara )
Buda citerioris Hungariae caput Regni avita sedes, vulgo Ofen... 1617 VI-eafa,
otuk 30-e
318 × 478 mm-
Cambridge
Engla )
Cantebrigia, opulentissimi Angliae Regni urbs celeberrimi nominis ab Academiae conditore Cantabro, cognomita 1575 II-eafa,
otuk 1-e
330 × 450 mm-
Napoli
Italia )
Haec est nobilis, & florens illa Neapolis, Campaniae civitas 1572 I-eafa,
otuk 47-e
335 × 480 mm-
Vilnius
Lietuva )
Vilna Lituaniae metropolis 1581 III-eafa,
otuk 59-e
369 × 495 mm-
Visby
Sveriga )
Visbia Gothorum. Wisbu Gotlandiae metropolis,
antiquitus amplissima negotiatone celebris, et navigantium schola
1598 V-eafa,
otuk 39-e
362 × 487 mm-
Civitates Orbis Terrarum (liwotak)

Liwot va Zürich

Liwot va Lisboa

Liwot va Amsterdam

Liwot va Alkaira

Liwot va Konstantinopolis

Crystal Project colors.png  Tuveli icde Lingeropa  Crystal Project colors.png