Wp/avk/Carlo Goldoni

From Wikimedia Incubator
< Wp‎ | avkWp > avk > Carlo Goldoni
Jump to navigation Jump to search
Carlo Goldoni
1707-1793
Italiavaf suterotik

Carlo Goldoni ba 25/02/1707 koe San Tomà koe Venezia koblir. Gadikyefa yasa tir xantafa gu Modena. Carlo, odiakik ton diliodafi is daavafi rali, va griva mu belira va pizasutesikeem dir, ton pilkovafa abdualbara va Cicognini. Moni lerdda, inaf beliks stad da in va buskama ( Burattini ) tori dotcura belir.

Bak 1719 va Jesus veemafa reila koe Perugia denfir. Radimi vayarafa barda, dene Domenico veemxo koe Rimini va trakuropa kosmar. Arti tolda, kan tiv ke lospa dem wenyusik, ta dimtrasira va gadikya ko Chioggia div reila otcer.

Goldoni va yona tavera va rokopa koe Pavia kotla tcoker. Voxe, kiron suteyes va Il Colosso, va kleca kev ayikyeem ke Pavia, bak 1725 div reila zo aloyar. Ko Chioggia va yasa kazokever.

Bak 1728, ko gomilafo yolkaxo ke Chioggia zo koflir, aze wetce ikayolkik ko Feltre artpir. Banlize pu saneg Goldoni va konaka taneafa wenyaxa atoer. Radimi awalkera ke gadikye ( 1731 ), rokopagelfayan, koe Venezia toz taver. Bokara me tiyir fakafa. Bal batyon kliwaf medjumes bartiv, in tolon bruxanarir. Ba 22/08/1736 koe Genova va Nicoletta Connio, i va nazbeikya ke tegivsutesik, kurer.

Koe Verona, sutesik pu Giuseppe Imer ke San Samuele wenya ke Venezia zo atoer. Battan puon drager da in vanpir tel eresklaf ezlopik. Tir inafa likena katecta novesa va ageltevafa is merorujana kubla. Belisario ( 1734 ) tir taneafa kakevenyera do saneg, aze seotayan xult, mu pizusik in, vanpir larbudara. Goldoni batvielu vanpir kaikestus sutesik, riwe warzes va 22O wenyaxa bal leon 20 tanda.

Bak 1747, koe Livorno in va Girolamo Medebach kakever, va gadesik va sistu ke San Angelo wenya koe Venezia, dan puon va balemdafi zubi firvir.

Pizusik va italiavafa buska djufabdur, enide bata do tela ke francafa XVII-eafa decemda turodolunyewer. Bak 1750 koe Il Teatro Comico va nelkoteem ke inafa fabdura konedir. Carlo Goldoni, gu italiafe Molière toriyoltanon, taneon tison sagaf gu prostewa, abicabicon di kiewaskir va ikarundara va yona reorwenyaxa kan yon tozatenon suteyena wenyaxa, tiolteson va kona xatcaxa ke wenyusik ise bunyeson va yona ageltucafa andabuska. Inaf grabomap : La Locanderia ( 1753 ) is Il Campiello ( 1756 ) is La Villegiatura ( 1761 ) is Le baruffe chiozzotte ( 1762 ) dayked moe geltrinda ke debaleem is seltafa lingera ; va yona wenyaxa ke Marivaux batinde vektad.

Carlo Gozzi biptik, suterotik is cuynik, va Goldoni kan bruxalamesik ik sutesik va ezlafa yoromaca isu kwestaca askiper. Zidapaf biptik kan klecaf is kotviele yon jortus bunyeks va in aorar, vlapon malyopason va fabduyuna buska ise pu in kevuson va Commedia dell’Arte. Batvielu elodesa geja tori avaporuca is prostewawenya tozuwer.

Goldoni, nodrafi is cuesi golde bata rondapara, envar da naler va ganera ke Paris ta bristura va zvakkirafe Comédie-Italienne. Bak 1762, moi Una delle ultime sere di carnevale buska va intaf saneg bulur. Ko Franca va int divblir aze dene Comédie-Italienne toldon zavzar aze va rundak wetce italiavatavesik vanmiae aboyikeem ke Louis XV seotar. Goldoni wan suter, vox francavon, ise va gavefa kiewatcakirafa wenyaxa warzer, va Le Bourru bienfaisant ( 1771 ). Ko Versailles bak 1776 ezlik tolon zo rozar enide pu berikyeem ke Louis XVI italiavataver.

Mali 1784 kali 1787 anyustsandaf suterotik, riwe wiiskaf is jontikviele akolaf, va Namio bunyer. Ton baroya karba do froyaks pu Louis XVI is abduekrent lize inafa kagrupesuca mu Franca zo muxar namio zo piskuyur.

Bak 1792, Mwasa Koka va vilara va koti aboyikafi turwi kexir. Goldoni, akolafi, tuvuranawer. Tel wawaf pizusik koe Paris ba 06/02/1793 mulufter.

Carlo Goldoni

Carlo Goldoni

 Blira 1707-1793
 Ava Italiava
 Suterind Wenya
  Suterot 
  • Belisario'' (1734)
  • Manolo (1739)
  • Il mercante fallito o sia La bancarotta (1741)
  • La donna di garbo (1743)
  • La contessina (1743)
  • Il servitore di due padroni (1745)
  • La vedova scaltra (1748)
  • La putta onorata (1748)
  • La buona moglie (1748)
  • L'Arcadia in Brenta (1749)
  • La famiglia dell'antiquario (1750)
  • L'erede fortunata (1750)
  • La bottega del caffè (1750)
  • Il bugiardo (1751)
  • La finta ammalata (1751)
  • L'avventuriere onorato (1751)
  • I pettegolezzi delle donne (1751)
  • La moglie saggia (1752)
  • Le donne gelose (1752)
  • La serva amorosa (1752)
  • Le femmine puntigliose (1752)
  • La Locandéria (1753)
  • Le donne curiose (1753)
  • Il filosofo di campagna (1754)
  • Le massere (1755)
  • Il Campiello (1756)
  • Il mercato di Malmantile (1757)
  • Gli innamorati (1759)
  • L'impresario delle Smirne (1759)
  • I Rusteghi (1760)
  • Il curioso accidente (1760)
  • La casa nova (1760)
  • La buona fugliuola (1760)
  • La buona madre (1761)
  • Le smanie per la villeggiatura (1761)
  • Le avventure della villeggiatura (1761)
  • Il ritorno dalla villeggiatura (1761)
  • Il sior Todero brontolon (1762)
  • Le baruffe chiozzotte (1762)
  • Una delle ultime sere di carnevale (1762).
  • Les Aventures de Camille et d'Arlequin (1763) - francavon
  • La jalousie d'Arlequin (1763)
  • Les inquiétudes de Camille (1763) - francavon
  • Gli amori di Zelinda e Lindoro (1764)
  • Il Ventaglio (1764)
  • Le Bourru bienfaisant (1771) - francavon
  • L'Avare fastueux (1776) - francavon
  • Les Mémoires(1787) – Namio – francavon
Bookshelf icon (red and blue).svg  Tuveli icde Suteroteem  Bookshelf icon (red and blue).svg